தைவானுக்கு செல்வது...முற்றிலும் ஆத்திரமுட்டும் செயல்: சீனாவிற்கு ஆதரவு தெரிவித்த ரஷ்யா!
அமெரிக்க சபாநாயகர் நான்சி பெலோசி தைவானிற்கு சுற்றுப்பயணம் செய்ய திட்டமிட்டு இருப்பது பிராந்தியங்களில் பதற்றத்தை தூண்டும் என்று ரஷ்யா எச்சரிக்கை விடுத்துள்ளது.
உக்ரைன் மீது ரஷ்யா தனது பிராந்திய ஆளுமையை நிலைநிறுத்திக் கொள்வதற்காக தனது முழுநீள போர் தாக்குதலை கடந்த பிப்ரவரி 24ம் திகதி தொடங்கியது. ரஷ்யாவின் இந்த போர் நடவடிக்கை தொடர்ந்து சீனாவும் தீவு நாடான தைவானை தனது சொந்த பிரேதசமாக அறிவித்து வருகிறது.
மேலும் தைவானை உள்ளடக்கிய ஒற்றை சீனா என்ற கொள்கைக்கு இடையூறு ஏற்பட்டால் முழுநீள ராணுவ நடவடிக்கை மேற்கொள்ளப்படும் என எச்சரிக்கை தெரிவித்து வருகிறது.
இந்தநிலையில் அமெரிக்க சபாநாயகர் நான்சி பெலோசி திங்கட்கிழமை முதல் தமது ஆசிய நாடுகளுக்கான சுற்றுப்பயணத்தை மேற்கொண்டுள்ளார், இந்த பயணத்தில் முதலில் சிங்கபூருக்கு செல்லவிருக்கும் பெலோசி, அதையடுத்து தைவான் செல்லவும் திட்டமிட்டுள்ளதாக தகவல் வெளியாகியுள்ளது.
பெலோசியின் இந்த பயணத்திற்கு சீனா கடும் எதிர்ப்பு தெரிவித்துள்ள நிலையில், இதனை நாங்கள் வேடிக்கை பார்க்கமாட்டோம் எனவும் எச்சரிக்கை விடுத்துள்ளது.
இந்நிலையில் அமெரிக்க சபாநாயகர் நான்சி பெலோசி தைவானிற்கு சுற்றுப்பயணம் செய்ய திட்டமிட்டு இருப்பது இரண்டு பிராந்தியங்களின் மத்தியில் பதற்றத்தை அதிகரித்து மோதலை தூண்டும் என ரஷ்யாவின் செய்திதொடர்பாளர் டிமிட்ரி பெஸ்கோவ் எச்சரிக்கை விடுத்துள்ளார்.
அத்துடன் அவர் அங்கு வருவாரா என்பது பற்றி எங்களுக்கு உறுதியாக தெரியாது, ஆனால் பெலோசியின் இந்த தைவான் சுற்றுப்பயணம் மிகவும் ஆத்திரமுட்டும் வகையில் உள்ளது என தெரிவித்துள்ளார்.
தைவானுக்குச் செல்வதற்கு எதிராக பெலோசியை பலமுறை எச்சரித்துள்ள சீனா, அது தனக்குச் சொந்தமானது என்று கூறுகிறது.
கூடுதல் செய்திகளுக்கு: விமான சேவைக்கான டிக்கெட் விற்பனை நிறுத்தம்...பிரிட்டிஷ் ஏர்வேஸ் அதிரடி!
பெலோசியின் சுற்றுப்பயணத்தை வாஷிங்டன் கடைப்பிடித்தால் அது ஒரே சீனா என்ற கொள்கைக்கு முரணாக இருக்கும் என்று பெய்ஜிங் தெரிவித்துள்ளது.