இந்த நகரங்களில் வசிப்பவர்கள் கவனம்... விமானம் ஒன்று விபத்தில் சிக்கலாம்: எச்சரித்த பெண்

பிரேசில் நாட்டில் 62 பேர்களை பலிவாங்கிய விமான விபத்து குறித்து பெண் ஜோதிடர் ஒருவர் ஏற்கனவே எச்சரித்துள்ளதாக தகவல் வெளியாகியுள்ளது.

பெண் ஜோதிடர்

ஆகஸ்டு 9ம் திகதி வெள்ளிக்கிழமை Sao Paulo அருகே Voepass ஏர்லைன்ஸ் விமானம் ஒன்று கட்டுப்பாட்டை இழந்து, அந்தரத்தில் சுழன்று, இறுதியில் தரையில் விழுந்து வெடித்தது.

இந்த விமானத்தில் பயணித்த அனைவரும் பலியாகினர். தற்போது இந்த விவகாரத்தில் புதிய திருப்பமாக, ஆகஸ்டு 8ம் திகதியே பிரேசில் நாட்டவரான பெண் ஜோதிடர் ஒருவர் விமான விபத்து தொடர்பில் எச்சரிக்கை விடுத்துள்ளதாக பகீர் தகவல் வெளியாகியுள்ளது.

Chaline Grazik என்பவர் ஆகஸ்டு 8ம் திகதி வியாழக்கிழமை தமது இன்ஸ்டாகிராம் பக்கத்தில் அவரது 15 மில்லியன் பின்தொடர்பாளர்களுக்கும் அதிர்ச்சி தகவல் ஒன்றை பகிர்ந்துள்ளார்.

அதில் Sao Paulo, Rio de Janeiro, Curitiba அல்லது Rio Grande do Sul ஆகிய பகுதிகளில் வசிப்பர்கள் என்றால், பிரார்த்தனை செய்துகொள்ளுங்கள், விமானம் ஒன்று அதிக எண்ணிக்கையிலான பயணிகளுடன் தரையில் மோதவிருக்கிறது என தெரிவித்துள்ளார்.

மொத்தமாக மூழ்கும்

ஆனால் அப்போது பொதுமக்களால் கண்டுகொள்ளாத அந்த பதிவு, பின்னர் பலரது கவனத்தையும் ஈர்த்துள்ளது. ஆகஸ்டு 9ம் திகதி விமானம் ஒன்று தரையில் மோதிய சம்பவம் உண்மையில் Sao Paulo பகுதி அருகே நடந்துள்ளது.

இந்த விபத்தில் 58 பயணிகள் உட்பட 62 பேர்கள் பலியாகினர். குடியிருப்பு பகுதிக்குள் விமான விபத்து ஏற்பட்டிருந்தாலும், பொதுமக்களில் எவரும் விபத்தில் சிக்கவில்லை. தற்போது இந்த விபத்து குறித்து விசாரணை முன்னெடுக்கப்பட்டு வருகிறது.

இதனிடையே, Rio de Janeiro பகுதி தொடர்பிலும் ஜோதிடர் Chaline Grazik எச்சரிக்கை ஒன்றை விடுத்துள்ளார். அதில், சுனாமி போன்ற ஒரு பேரிடரால் Rio de Janeiro நகரம் மொத்தமாக மூழ்கும்.

இது தொடர்ந்து பலமுறை தமக்கு வெளிப்பட்டு வருவதாகவும், தம்மால் எச்சரிக்கை மட்டுமே செய்ய முடியும் என்றும் அவர் தமது சமூக ஊடக பக்கத்தில் குறிப்பிட்டுள்ளார்.