லங்காசிறி FM
அதற்காக எல்லாம் பொதுமக்கள் தங்கள் பெயரை மாற்றிக்கொள்ள வேண்டாம்: கெஞ்சிய தைவான்
தைவான் நாட்டில் திடீரென்று சுமார் 150 பேர்கள் தங்கள் பெயர்களை சால்மன் என மாற்றிக்கொண்டதன் பின்னணியை அறிந்த அரசு, பொதுமக்களிடம் கோரிக்கை வைத்துள்ளது.
தைவான் நாட்டில் திடீரென்று பலர் தங்கள் பெயர்களை சால்மன் என மாற்றிக்கொள்ள அரசு அலுவலகங்களை நாடியுள்ளனர்.
இதன் பின்னணியை ஆராய்ந்ததில், ஜப்பானிய உணவான சுஷியை முக்கிய உணவாக விற்பனை செய்யும் ஒரு உணவக குழுமம், வாடிக்கையாளர்களின் பெயரில் சால்மன் என இருந்தால் அவருக்கும் அவருடன் இன்னொரு 5 நண்பர்களுக்கும் சாப்பிடும் அளவுக்கு இலவச சுஷி உணவளிப்பதாக அறிவிப்பு வெளியிட்டிருந்தது.
இரண்டு நாட்கள் மட்டுமே சலுகை அமுலில் இருக்கும் என்பதால் பலர் அரசு அலுவலகங்களை நாடியுள்ளதாக கூறப்படுகிறது. தைவான் நாட்டை பொறுத்தமட்டில், ஒருவர் தமது வாழ்நாளில் மூன்று முறை மட்டுமே தமது பெயரை மாற்றிக்கொள்ள முடியும்.
ஒருவர் தேவையில்லாமல் பெயர் மாற்றிக்கொள்வதால், ஒட்டுமொத்தமாக அவரது மொத்த ஆவணங்களும் மாற்ற வேண்டிய கட்டாயம் ஏற்படுகிறது. இதனால் துணை உள்விவகார அமைச்சர் பொதுமக்களுக்கு விடுத்த கோரிக்கையில், உணவுக்காக மக்கள் தங்கள் பெயரை மாற்றுக்கொள்வது என்பது அரசுக்கு தேவையற்ற வேலைப்பளுவை அளிப்பதாகும்.
மக்கள் கண்டிப்பாக நாட்டின் மீதான பற்று கொண்டவர்களாக இருப்பார்கள் என நம்புவதாகவும் அவர் குறிப்பிட்டுள்ளார். இந்த களேபரங்களுக்கு நடுவே, கல்லூரி மாணவர் ஒருவர் தமது பெயரை மாற்றிக்கொண்டு, அவரும் அவரின் நண்பர்களும் சேர்ந்து சுமார் 176 பவுண்டுகள் தொகைக்கு இலவசமாக சுஷி உணவு சாப்பிட்டுள்ளனர்.
பலர் இலவச உணவுக்காக பெயரை மாற்றிக் கொண்டாலும், பின்னர் தங்கள் உண்மையான பெயரை மீண்டும் பதிவு செய்ய உள்ளதாக தெரிவித்துள்ளனர்.
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026