பிரான்சில் மீண்டும் வேலைநிறுத்தங்கள்: தெருவில் இறங்கிய அரசு ஊழியர்கள்

Public workers in France strike over pay: பிரான்சில் அரசு ஊழியர்கள் ஊதியம் தொடர்பில் வேலை நிறுத்தத்தில் ஈடுபட்டுள்ளார்கள்.

பிரான்சில் அரசு ஊழியர்களும், பள்ளி மாணவ மாணவியரும் வேலை நிறுத்தங்களில் ஈடுபட்டுள்ளார்கள்.

பிரான்சில் மீண்டும் வேலைநிறுத்தங்கள்

பிரான்ஸ் ஜனாதிபதி இமானுவல் மேக்ரான் பதவியேற்ற மறு ஆண்டில் அவருக்கு பெரும் தலைவலியை ஏற்படுத்திய மஞ்சள் சட்டை போராட்டங்களை நினைவிருக்கலாம். 

அதேபோல, இப்போது மேக்ரானின் பதவிக்காலம் முடிவடைய உள்ள நிலையிலும் மீண்டும் பிரான்சில் போராட்டங்கள் துவங்கியுள்ளன.

பிரித்தானியாவுக்கு புறப்பட்ட புலம்பெயர்வோர் மீது கண்ணீர் புகை குண்டு வீச்சு

அரசு ஊழியர்களுக்கு வழங்கப்படும் ஊதிய உயர்வை நிறுத்திவைப்பதன் மூலம் பணத்தை மிச்சம் பிடிக்க திட்டமிட்டுள்ளது பிரான்ஸ் அரசு. 

அரசு நான்காவது முறையாக ஊழியர்களின் ஊதியத்தில் கைவைக்க உள்ளதால், கோபமடைந்துள்ள அவர்கள் தெருக்களில் இறங்கி ஆர்ப்பாட்டங்களில் ஈடுபட்டுவருகிறார்கள்.

ஒரு பக்கம் அரசு ஊழியர்கள் வேலைநிறுத்ததில் ஈடுபட்டுள்ள நிலையில், மறுபக்கம் மாணவர்கள் பல்வேறு காரணங்களை முன்வைத்து வேலைநிறுத்தத்தில் ஈடுபட்டுள்ளார்கள். 

மாணவர்கள் கையில் கிடைத்த பொருட்களை பொலிசார் மீது தூக்கி வீச, பொலிசார் தடியடி நடத்த, மாணவர்கள், பள்ளி அலுவலர்கள் என 10 பேருக்கு காயம் ஏற்பட, பொலிஸ் தரப்பில் 48 பேருக்கு காயம் ஏற்பட்டுள்ளதாக அதிகாரிகள் தெரிவித்துள்ளார்கள். 

இந்நிலையில், மொத்தம் 440 பேர் கைது செய்யப்பட்டுள்ளதாக உள்துறை அமைச்சரான லாரன்ட் (Laurent Nunez) தெரிவித்துள்ளார். ஆக மொத்தத்தில், மீண்டும் பிரான்சில் ஆர்ப்பாட்டங்களும் போராட்டங்களும் துவங்கிவிட்டன. 

பட்ஜெட்டில் பல வெட்டுகளுக்கு அரசு திட்டமிட்டுள்ள நிலையில், அடுத்து என்ன நடக்கப்போகிறது என்பதை பொறுத்திருந்துதான் பார்க்கவேண்டும்.