லங்காசிறி FM
ரூ.70 கோடியில் இருந்து 15 நிமிடங்களில் எண்ணக்கூடிய பணத்தை எடுத்துக் கொள்ளுங்கள்! இன்ப அதிர்ச்சி கொடுத்த நிறுவனம்
சீனாவைச் சேர்ந்த நிறுவனம் ஒன்று தனது ஊழியர்களுக்கு ஆண்டு இறுதி போனஸ் வழங்குவதற்கு வித்தியாசமான முயற்சியை கையாண்டுள்ளது.
ஊழியர்களுக்கு இன்ப அதிர்ச்சி
பெரும்பாலான நிறுவனங்கள் நேரடி வைப்புத்தொகை மூலம் ஆண்டு இறுதி போனஸை ஊழியர்களுக்கு வழங்குகின்றன. ஆனால், சீனாவைச் சேர்ந்த நிறுவனம் ஒன்று தனது ஊழியர்களுக்கு வித்தியாசமான அணுகுமுறையை கையாண்டுள்ளனர்.
சீனாவில் உள்ள ஹெனான் மைன் கிரேன் என்ற நிறுவனம் தனது ஊழியர்களுக்கு ரூ.70 கோடிக்கும் அதிகமான ரொக்க போனஸை வழங்கியுள்ளது.
அதாவது இந்த நிறுவனம் மேஜையின் மீது ரூ.70 கோடியை வைத்துவிட்டு 15 நிமிடத்தில் எவ்வளவு பணத்தை எண்ண முடியுமோ அவ்வளவு பணத்தை எடுத்துக் கொள்ளுங்கள் என்று ஊழியர்களுக்கு இன்ப அதிர்ச்சி கொடுத்தது.
முதலில் 60முதல் 70 மீட்டர் நீளமுள்ள மேஜையில் ரூ.70 கோடி பணத்தை அடுக்கி வைத்தது. பின்னர், ஊழியர்களை 30 பேர் கொண்ட குழுக்களாகப் பிரித்து பணத்தை எண்ணுமாறு கேட்டுக்கொண்டது.
இதில், 15 நிமிடத்தில் எடுத்துக் கொள்ளுமாறு அறிவிக்கப்பட்டதால் சில ஊழியர்கள் அதிகளவு பணத்தை சம்பாதிக்க முடிந்தது.
இதில், ஊழியர் ஒருவர் 15 நிமிடங்களில் 100,000 யுவான் (சுமார் S$18,700) வரை எண்ணி எடுத்தார். அவர்கள் எடுத்த பணம் அவர்களுக்கே வழங்கப்பட்டது.
இதனால், ஊழியர்கள் பணத்தை விரைவாக எடுத்தனர். இது தொடர்பான வீடியோ தற்போது சமூக வலைதளங்களில் வெளியாகி வைரலாகி வருகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
கல்வியங்காடு, கட்டப்பிராய், மதுரை, தமிழ்நாடு, India, Gants Hill, United Kingdom
07 Aug, 2026
புங்குடுதீவு 3ம் வட்டாரம், வட்டக்கச்சி இராமநாதபுரம், வைரவபுளியங்குளம்
18 Jul, 2026
