வாக்னர் தலைவரின் மரணம் ஒருபக்கம்... மரணப்படுக்கையில் புடினின் இன்னொரு கூட்டாளி

ரஷ்ய ஜனாதிபதி விளாடிமிர் புடினுக்கு மிக நெருக்கமான வாக்னர் கூலிப்படை தலைவர் விமான விபத்தில் கொல்லப்பட்ட நிலையில், தற்போது இன்னொரு கூட்டாளியான செச்சென் தலைவர் மரணப்படுக்கையில் இருப்பதாக தகவல் கசிந்துள்ளது.

கொடூரமான போர்த் தலைவனுமான ரம்ஜான் கதிரோவ்

விளாடிமிர் புடினின் மிக நெருக்கமான கூட்டாளியும் கொடூரமான போர்த் தலைவனுமான ரம்ஜான் கதிரோவ் மிக ஆபத்தான நிலையில் சிகிச்சை பெற்று வருவதாக கூறுகின்றனர்.

@e2w

உக்ரைனுக்கு எதிராக ஆயிரக்கணக்கான படை வீரர்களை ரஷ்யாவுக்கு அனுப்பி வைத்த 46 வயதான ரம்ஜான் கதிரோவ், தற்போது கோமாவில் இருப்பதாகவும் உறுதிப்படுத்தப்படாத தகவல் வெளியாகியுள்ளது.

மட்டுமின்றி, அவருக்கு சிகிச்சை அளிக்கும் பொருட்டு மாஸ்கோவில் இருந்து அவரது பிராந்திய தலைநகர் க்ரோஸ்னிக்கு சிறுநீரக நிபுணர்கள் அனுப்பப்பட்டதாக நம்பப்படுகிறது.

ஆனால் கதிரோவுக்கு என்ன ஆனது என்பது தொடர்பில் உறுதியான தகவல் ஏதும் வெளியாகவில்லை. மேலும், திடீரென்று கதிரோவ் உடல் பருமனால் அவதிப்பட்டதாகவும், அவரது முகம் வீங்கிப்போனதாகவும் தகவல் கசிந்தது.

@epa

சிலர் அவர் மரணப்படுக்கையில் உள்ளார் எனவும், சிறுநீரகம் மொத்தமாக பாதிக்கப்பட்டுள்ளது எனவும் தெரிவிக்கின்றனர். ஒரு வாரம் முன்னர் வெளியான காணொளி ஒன்றில், சில நெருக்கமான அதிகாரிகளுடன் அவர் காணப்பட்டுள்ளார்.

மருத்துவரை கதிரோவ் உயிருடன் புதைத்ததாக

மேலும், இந்த ஆண்டு தொடக்கத்தில் விளாடிமிர் புடினை சந்தித்த கதிரோவ், மூச்சுத்திணறலால் பாதிக்கப்பட்டிருந்தார். இதனிடையே, கதிரோவின் நம்பிக்கைக்குரிய மருத்துவரும் முன்னாள் சுகாதார அமைச்சருமான Elkhan Suleymanov விஷம் வைத்துள்ளதாகவும், இதனாலையே கதிரோவின் உடல் நிலை திடீரென்று பாதிப்புக்கு உள்ளானதாகவும் கூறப்படுகிறது.

@getty

49 வயதான Elkhan Suleymanov மொத்த பொறுப்புகளில் இருந்து நீக்கப்பட்டுள்ளதுடன், கடந்த ஓராண்டாக அவர் பொதுவெளியில் காணப்படவும் இல்லை. ஆனால் சந்தேகத்தின் பேரில் அந்த மருத்துவரை கதிரோவ் உயிருடன் புதைத்ததாகவும் கூறப்படுகிறது.

ஆனால் கதிரோவ் பிடியில் இருந்து தப்பிய Elkhan Suleymanov தற்போது அஜர்பைஜான் பகுதியில் தங்கியிருப்பதாக தகவல் வெளியாகியுள்ளது.