உக்ரைன் போர்... எதிரிகளால் தூக்கிலிடப்படலாம் என அஞ்சும் விளாடிமிர் புடின்

Putin fears enemies will hang him: எதிரிகள் தன்னைத் தூக்கிலிட்டு விடுவார்கள் எனப் பீதியடைந்த புடின்.

உக்ரைன் மீதான தனது இடைவிடாத போரை வெற்றி இல்லாமல் முடித்துக்கொள்வது தனது உயிருக்கே ஆபத்தாக முடியலாம் என்று புடின் அஞ்சுவதாக அவருக்கு நெருக்கமான வட்டாரத் தகவல்கள் தெரிவிக்கின்றன.

தூக்கிலிட்டு விடுவார்கள்

கிழக்கு உக்ரைனின் டான்பாஸ் பகுதியுடன் தனது போரை முடிவுக்குக் கொண்டுவராவிட்டால், தான் கொல்லப்படலாம் என்று புடின் தனது நெருங்கிய வட்டாரத்தினரிடம் கூறியதாகத் தகவல் கசிந்துள்ளது.

தி எகனாமிஸ்ட் பத்திரிகை வெளியிட்டுள்ள செய்தியில், பீதியடைந்த புடின், தான் டான்பாஸ் பகுதியின் கட்டுப்பாட்டை வெல்லவில்லை என்றால், அவர்கள் தன்னைத் தூக்கிலிட்டு விடுவார்கள் என்று தனக்கு ஆதரவான பெரும் கோடீஸ்வரர்களிடம் தெரிவித்ததாக குறிப்பிட்டுள்ளது.

மட்டுமின்றி, உக்ரைன் மீதான படையெடுப்பு தோல்வியடைந்துவிட்டதாகவும், அது கிட்டத்தட்ட ஐந்து ஆண்டுகளாக நீடித்து ரஷ்யாவின் பொருளாதாரத்தைச் சீரழித்துவிட்டதாகவும் புடினின் முக்கிய கூட்டாளிகளும் கருதுகின்றனர்.

இணையவழி சில்லறை விற்பனையாளர்களின் கிடங்குகள் மற்றும் எண்ணெய் சுத்திகரிப்பு நிலையங்களைத் தாக்கி உக்ரைன் சமீபத்தில் நடத்திய முன்னெப்போதும் இல்லாத தாக்குதல்கள், பேரழிவுகரமான பெட்ரோல் தட்டுப்பாடுகளை ஏற்படுத்தி, போரின் விலையை புடினின் குடிமக்களுக்கு நேரடியாக உணர்த்தியுள்ளன.

கூட்டு விருத்தசேதனச் சடங்கில் பலியான 43 சிறுவர்கள்: நாடொன்றில் அதிரவைத்த சம்பவம்

ஆனால் இதற்கு மிக மோசமான பதிலடி உறுதி என விளாடிமிர் புடின் மிரட்டல் விடுத்திருந்தாலும், புடின் ஒரு இக்கட்டான முட்டுச்சந்தில் சிக்கிக்கொண்டு, அதிலிருந்து வெளியேற ஆபத்தான வழியைத் தெரிவு செய்துள்ளதாக கிரெம்ளின் வட்டாரங்கள் தெரிவிக்கின்றன.

தீவிர நெருக்கடியில் சிக்கியுள்ள புடின், நேட்டோ (NATO) உறுப்பு நாடுகள் மீது ஆவேசமாகப் பாய்வதன் மூலம் தனது அண்டை நாட்டுக்கு எதிரான நடவடிக்கைகளை மேலும் தீவிரப்படுத்தும் அபாயத்தில் உள்ளார்.

இந்த நிலையில், உக்ரைன் மீதான தனது கொடூரமான போரை நிறுத்துமாறு நரேந்திர மோடி புடினிடம் வெளிப்படையாக கூறியதால், அவர் இன்று உலக அரங்கில் தலைகுனியும் நிலை ஏற்பட்டது.

தீவிரப்படுத்துவதில் உறுதி

ரஷ்யாவின் மிக நெருக்கமான நட்பு நாடான இந்தியா, நாம் ஒரு முடிவில்லாத போரிலிருந்து போரின் முடிவை நோக்கி நகர வேண்டும் என கூறியுள்ளது.

இதில் கடும் கோபமடைந்த விளாடிமிர் புடின், தனது மொழிபெயர்ப்புக் கருவியை (earpiece) கழற்றி வீசிவிட்டு, பற்களைக் கடித்தவாறே, மிக்க நன்றி, பிரதமரே. நாங்கள் அந்தத் திசையில்தான் நகர்ந்து கொண்டிருக்கிறோம் என்று பதிலளித்துள்ளார்.

ரஷ்யாவிற்கு இந்தப் பேரழிவுகரமான போரினால் ஏற்படும் பெரும் இழப்புகள் இருந்தபோதிலும், புடின் மோதலைத் தீவிரப்படுத்துவதில் உறுதியாகத் தெரிகிறார்.

2022-இல் உக்ரைன் மீது முழு அளவிலான போரைத் தொடங்கியதிலிருந்து, அவரது படைகளைச் சேர்ந்த சுமார் 15 லட்சம் பேர் உயிரிழந்தோ அல்லது காயமடைந்தோ போரில் இழக்கப்பட்டுள்ளனர்.

எதிரிகளைப் பின்னுக்குத் தள்ளுவதற்கு இன்றியமையாததான, 50 கி.மீ அகலமுள்ள நகரங்களைக் கொண்ட பாதுகாப்பு அரணான, டான்பாஸின் எஞ்சிய பகுதியை முழுமையாகக் கைப்பற்றுவது ரஷ்யாவின் முக்கிய இலக்காக மாறியுள்ளது. டான்பாஸ் பகுதியை அவர் கைப்பற்றும் வரையில் போர் நீடிக்கலாம் என்றே கூறப்படுகிறது.