புடின் ஹிட்லரையும் ஸ்டாலினையும் விட ஆபத்தானவர்... காரணம் கூறும் போலந்து பிரதமர்
ரஷ்ய ஜனாதிபதியான புடின், ஹிட்லரையும் ஸ்டாலினையும் விட ஆபத்தானவர் என்று கூறியுள்ளார் போலந்து பிரதமர்.
புடினுடைய ராட்சதக் கொள்கை அழித்தொழிக்கப்படவேண்டும் என்று கூறும் போலந்து பிரதமரான Mateusz Morawiecki, புடின் ஹிட்லரையும் ஸ்டாலினையும் விட ஆபத்தானவர் என்று கூறுவதற்கான காரணங்களை பட்டியலிட்டுள்ளார்.
புடின் ஹிட்லரும் அல்ல, ஸ்டாலினும் அல்ல என்று கூறும் Morawiecki, இவர் அவர்களை விட ஆபத்தானவர், காரணம், அவர்களை விட இவரிடம் பயங்கர ஆயுதங்கள் உள்ளன. அத்துடன், இவர் தனது கொள்கைகளைப் பரப்ப இணையதளத்தை பயன்படுத்துகிறார் என்கிறார்.
ஐரோப்பா புடினை தடுத்து நிறுத்தவில்லை என்றால், மேலும் அவர் ஐரோப்பாவுக்குள் ஊடுருவுவார். நாம்தான் அடுத்து நடப்பதை தீர்மானிக்கவேண்டும் என்கிறார் Morawiecki.
உக்ரைனுடன் தனது எல்லையைப் பகிர்ந்துகொள்ளும் போலந்து, ரஷ்யாவுக்கு எதிராக போராடும் உக்ரைனுக்கு ஆதரவு தேவை என வெளிப்படையாக கோரும் நாடுகளுள் ஒன்று என்பது குறிப்பிடத்தக்கது.