லங்காசிறி FM
பிரித்தானியா பிரான்ஸ் நாடுகளுக்கு புடின் விடுத்த அச்சுறுத்தல்
பிரித்தானியா மற்றும் பிரான்ஸ் நாடுகளை அச்சுறுத்தும் வகையில் ஹைப்பர்சோனிக் ஏவுகணைகள் பொருத்தப்பட்ட ரஷ்யாவின் அதி நவீனப் போர்க்கப்பல் ஒன்று ஆங்கிலக் கால்வாய் அருகே போர் பயிற்சியில் ஈடுபட்டுள்ளதாக தகவல் வெளியாகியுள்ளது.
ஒலியை விட பல மடங்கு
ரஷ்யாவின் Admiral Golovko என்ற அந்த கப்பலானது நீண்ட தூர பயணம் மேற்கொள்வதன் ஒருபகுதியாக ஆங்கிலக் கால்வாயில் கடந்து சென்றுள்ளது. குறித்த கப்பலில் பொருத்தப்பட்டுள்ள ஏவுகணையானது ஒலியை விட பல மடங்கு வேகத்தில் சுமார் 900 கிமீ பயணிக்க முடியும்.
எந்த அதி நவீன ஏவுகணை தடுப்பு அமைப்பாலும் அதனை சுட்டு வீழ்த்துவது கடினம். அந்த கப்பலானது ரஷ்யாவின் புதிய திட்டத்தின் அடிப்படையில் உருவாக்க முடிவு செய்துள்ள 10 கப்பல்களில் ஒன்றாகும்.
Severomorsk தளத்தில் இருந்து 11 நாட்களுக்கு முன்னர் புறப்பட்டுள்ள கப்பலானது ஆங்கிலக் கால்வாயைக் கடக்கும் முன்னர் பேரண்ட்ஸ் கடல், நோர்வே மற்றும் வட கடல்கள் வழியாக பயணம் செய்துள்ளது.
ஆங்கிலக் கால்வாய் அருகே
ஆங்கிலக் கால்வாயில் போர் பயிற்சி முன்னெடுத்துள்ளதை ரஷ்ய பாதுகாப்பு அமைச்சகம் உறுதி செய்துள்ளது.
பிரித்தானியாவின் பிரதமர் சர் கெய்ர் ஸ்டார்மர் மற்றும் பிரான்ஸ் ஜனாதிபதி இமானுவல் மேக்ரான் ஆகியோர் உக்ரைனுக்கு அனைத்து ஆதரவும் தேவைப்படும் வரையில் அளிக்க இருப்பதாக நேற்று உறுதியளித்த நிலையிலேயே, ரஷ்ய போர்ர் கப்பல் ஆங்கிலக் கால்வாய் அருகே போர் பயிற்சியில் ஈடுபட்டுள்ளது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 2ம் வட்டாரம், வட்டகச்சி, பேர்ண், Switzerland, பரிஸ், France
11 Nov, 2024
புங்குடுதீவு 1ம் வட்டாரம், புங்குடுதீவு 2ம் வட்டாரம், கொக்குவில் கிழக்கு
17 Oct, 2024
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021