உயிருக்கு ஆபத்து... வெளிநாட்டவர்களை கீவ் நகரை விட்டு வெளியேற புடின் எச்சரிக்கை

Putin warns foreign citizens to leave Kyiv: வெளிநாட்டுக் குடிமக்கள் கீவ் நகரை விட்டு வெளியேறுமாறு புடின் எச்சரித்துள்ளார்.

கொடூரத் தாக்குதல்கள் தீவிரமடைந்து வருவதால், கீவ் நகரை விட்டு வெளிநாட்டு குடிமக்கள் வெளியேற வேண்டும் அல்லது உயிருக்கு ஆபத்தான நிலையை எதிர்கொள்ள நேரிடும் என்று புடின் அச்சமூட்டும் இறுதி எச்சரிக்கை விடுத்துள்ளார்.

கடுமையான எச்சரிக்கை

உக்ரைன் தலைநகர் மீதான தனது தாக்குதலை ரஷ்யா தீவிரப்படுத்தியுள்ளது. கடந்த 48 மணி நேரத்தில் நகரின் இரண்டு முக்கியப் பாலங்கள் மீது நடத்தப்பட்ட ஆறு தாக்குதல்கள் உட்பட, முக்கிய உள்கட்டமைப்புகளைக் குறிவைத்து தொடர்ச்சியான வான்வழித் தாக்குதல்களை ரஷ்யா நடத்தியுள்ளது.

புடினின் கொடூரமான, போர் விதிகளைப் பின்பற்றாத தந்திரங்கள் கீவ் நகரத்தை சிதைத்து, பீதியடைந்த மக்களை வெளியேற நிர்பந்திப்பதை நோக்கமாகக் கொண்டிருப்பதை, கீவ் நகர மேயர் விட்டாலி கிளிச்கோ ஒப்புக்கொண்டார்.

சனிக்கிழமையன்று மேலும் தாக்குதல்கள் நடத்தப்படும் என்று எச்சரித்த புடின், தூதர்கள் மற்றும் வெளிநாட்டினர் நகரத்தை விட்டு வெளியேறுமாறு ஒரு கடுமையான எச்சரிக்கையை விடுத்துள்ளார்.

87 வயது பெண்மணிக்கு நேர்ந்தது... ஸ்பெயின் மொத்தம் ஸ்தம்பிக்க வைத்த போராட்டம்

ரஷ்ய வெளிவிவகார அமைச்சகம் வெளியிட்டுள்ள அறிக்கையில், அனைவரும் இந்த எச்சரிக்கைகளைக் கருத்தில் கொள்ளவில்லை என்பதையும், தனிநபர்கள் தாங்களாகவே உயிருக்கு ஆபத்தான சூழலில் சிக்கிக்கொள்வதையும் நாங்கள் கவலையுடன் கவனிக்கிறோம் என்று குறிப்பிடப்பட்டுள்ளது.

மட்டுமின்றி, ஏற்படக்கூடிய எதிர்மறையான விளைவுகளுக்கான பொறுப்பு முழுவதும், இந்த எச்சரிக்கையைப் புறக்கணிப்பவர்களையே சாரும் என்றும் அந்த அறிக்கையில் குறிப்பிடப்பட்டுள்ளது.

இந்த நிலையில், கீவ் நகரம் மிகவும் மோசமான நிலையில் இருப்பதாகக் கூறிய கிளிச்கோ, முழு அளவிலான போர்க்கால நடவடிக்கைகளை மேற்கொள்ளுமாறும் அழைப்பு விடுத்தார்.

புடின் தனது தந்திரங்களை மாற்றியிருப்பதையும், இலக்குகளைத் தாக்குவதில் இனி எந்த விதிகளையும் பின்பற்றத் தேவை இல்லை என்று தனது தளபதிகளிடம் வெளிப்படையாகக் கூறியிருப்பதையும் உளவுத்துறை ஒட்டுக்கேட்புகள் வெளிப்படுத்தியுள்ளதாக ஜெலென்ஸ்கி முன்னதாக எச்சரித்திருந்தார்.

பள்ளிகள், மருத்துவமனைகள் மற்றும் தரவு மையங்கள் போன்ற பொதுமக்கள் சார்ந்த இலக்குகள் மீதான தாக்குதல்களுக்கு புடின் வெளிப்படையான அனுமதியை அளித்துள்ளார் என்றும் ஜெலென்ஸ்கி எச்சரித்தார்.

புடினின் நோக்கம்

48 மணி நேரத்தில், கீவ் நகரின் பாலங்கள் மீது குறைந்தது ஆறு ரஷ்ய ட்ரோன் தாக்குதல்கள் நடத்தப்பட்டுள்ளன; இதில் ஐந்து தாக்குதல்கள் தெற்குப் பாலத்தின் மீதும், மற்றொன்று வடக்குப் பாலத்தின் மீதும் நடத்தப்பட்டன.

நேற்று அதிகாரிகள் தெற்குப் பாலத்தை மூடியதைத் தொடர்ந்து, மாற்று வழிகளைத் தேடிய வாகன சாரதிகளால் முக்கிய சாலைகளில் கார்களும் பேருந்துகளும் நீண்ட வரிசைகளில் தேங்கி நின்றன; இதனால் சிலர் தங்கள் பயணத்தை நடந்தே தொடர வேண்டிய கட்டாயம் ஏற்பட்டது.

உக்ரேனியர்களைக் கீவ் நகரத்தை விட்டு வெளியேறக் கட்டாயப்படுத்துவதே புடினின் நோக்கம் என்று ஜெலென்ஸ்கி எச்சரித்தார். மேலும், தலைநகரம் இல்லையென்றால் நாடே இல்லை என்பதை உணர்த்துவதற்காக, சாதாரண குடிமக்களைத் தலைநகரை விட்டு வெளியேறக் கட்டாயப்படுத்தும் நகர்வுகளை புடின் முன்னெடுத்துள்ளார் என்றே ஜெலென்ஸ்கி எச்சரித்துள்ளார்.