லங்காசிறி FM
Ranji Trophy 2024: 6 ஆண்டுகளுக்கு பிறகு 8 விக்கெட்டுகளை வீழ்த்திய இந்திய அணியின் பந்துவீச்சாளர்
Ragavan
in கிரிக்கெட்
2024 ரஞ்சி கோப்பையில் விளையாடிவரும் புவனேஷ்வர் குமார், 6 ஆண்டுகளுக்கு பிறகு 8 விக்கெட்டுகளை வீழ்த்தி அசத்தியுள்ளார்.
2022 டி20 உலகக் கோப்பைக்குப் பிறகு இந்திய அணியில் இருந்து நீக்கப்பட்ட வேகப்பந்து வீச்சாளர் புவனேஷ்வர் குமார், தற்போது ரஞ்சி டிராபியில் உத்தரபிரதேசத்தை பிரதிநிதித்துவப்படுத்துகிறார்.
இதன் மூலம் மீண்டும் இந்திய அணியில் சேரும் முனைப்பில் இருக்கும் புவனேஷ்வர் குமரூமாருக்கு அதிர்ஷ்டம் திறக்கும் என தெரிகிறது.
இரண்டாவது ரஞ்சி போட்டி உத்தரபிரதேசம் மற்றும் பெங்கால் அணிகளுக்கு இடையே நடந்து வருகிறது.
8 விக்கெட்டுகளை வீழ்த்திய புவனேஷ்வர் குமார்
இப்போட்டியில், உத்தரபிரதேச அணியை பிரதிநிதித்துவப்படுத்திய புவனேஷ்வர் குமார், பெங்கால் அணிக்கெதிராக தனது ஆபத்தான பந்துவீச்சை வெளிப்படுத்தி வெறும் 41 ஓட்டங்கள் மட்டும் கொடுத்து 8 விக்கெட்டுகளை வீழ்த்தினார்.
6 ஆண்டுகளுக்கு பிறகு முதல் தர போட்டியில் களமிறங்கிய புவனேஷ்வர் முதல் இன்னிங்சிலேயே 8 விக்கெட்டுகளை வீழ்த்தினார்.
மேலும், ரஞ்சி கோப்பையில் பெங்கால் அணிக்கு எதிராக உத்தரபிரதேச பந்துவீச்சாளர் ஒருவரின் சிறந்த ஆட்டம் இது என்பது குறிப்பிடத்தக்கது.
புவனேஷ்வர் குமார் 8 விக்கெட்டுகளை வீழ்த்தியதன் விளைவு, ஒட்டுமொத்த பெங்கால் அணியும் முதல் இன்னிங்சில் 58.2 ஓவர்களில் மட்டுமே பேட் செய்து 188 ஓட்டங்களுக்கு ஆட்டமிழந்தது.
முன்னதாக, முதலில் துடுப்பாடிய உத்தரபிரதேச அணி முதல் இன்னிங்சில் 60 ஓட்டங்களுக்கு ஆட்டமிழந்தது.
ஆனால், பந்துவீச்சில் அணியின் முதுகெலும்பாக திகழும் புவனேஷ்வரால், பெங்கால் அணி முதல் இன்னிங்சில் 128 ஓட்டங்கள் முன்னிலை பெற முடிந்தது.
புவனேஷ்வருடன் இணைந்து முதல் இன்னிங்சில் யஷ் தயாள் 2 விக்கெட்டுகளை வீழ்த்தினார்.
பெங்கால் அணிக்கு எதிரான முதல் இன்னிங்சில் புவனேஷ்வர் 22 ஓவர்கள் வீசி 41 ஓட்டங்கள் கொடுத்து 8 விக்கெட்டுகளை வீழ்த்தினார். மேலும், அவரது ஸ்பெல்லில் 5 மெய்டன் ஓவர்கள் வீசினார்.
புவனேஷ்வரின் பந்துவீச்சு முதல் இன்னிங்ஸில் மிகவும் திறம்பட இருந்ததால், பெங்கால் அணியின் முதல் 6 விக்கெட்டுகளை புவனேஷ்வர் வீழ்த்தினார். இதற்கு முன், முதல்தர கிரிக்கெட்டில் ஒரே இன்னிங்ஸில் 77 ஓட்டங்களுக்கு 6 விக்கெட்டுகளை எடுத்ததே அவரது சிறந்த பந்துவீச்சு எண்ணிக்கையாக இருந்தது.
2018ஆம் ஆண்டு தென்னாப்பிரிக்கா சுற்றுப்பயணத்தின் போது இந்தியாவுக்காக கடைசி டெஸ்ட் போட்டியில் விளையாடிய புவனேஷ்வர், ஜோகன்னஸ்பர்க்கில் நடைபெற்ற டெஸ்டில் இரண்டு இன்னிங்சிலும் 4 விக்கெட்டுகளை வீழ்த்தினார். இது தவிர இரண்டு இன்னிங்சிலும் 30 மற்றும் 33 ஓட்டங்கள் எடுத்தார். ஆட்ட நாயகன் விருதையும் பெற்றார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Ranji Trophy 2024, Bhuvneshwar Kumar, Ranji Trophy Bhuvneshwar kumar 8 wickets, Cricket News
யாழ்ப்பாணம், கொழும்பு, London, United Kingdom, Scarbrough, Canada
19 Oct, 2024
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
அல்லைப்பிட்டி, பிரான்ஸ், France
12 Nov, 2011
நயினாதீவு 2ம் வட்டாரம், Jaffna, யாழ்ப்பாணம், Pinner, United Kingdom
03 Nov, 2025
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025