லங்காசிறி FM
ரூ.45,800 கோடி சொத்தில் பங்கு., மனைவி, மகளை அடித்து உதைத்ததாக தொழிலதிபர் மீது குற்றச்சாட்டு
கோடீஸ்வர தொழிலதிபர் கௌதம் சிங்கானியாவின் மனைவி, தன்னையும் தனது மகளையும் தனது கணவர் அடித்து உதைத்ததாக குற்றம் சாட்டியுள்ளார்.
கோடீஸ்வர தொழிலதிபர் கௌதம் சிங்கானியா கடந்த வாரம் 32 வருட திருமணத்திற்கு பிறகு மனைவி நவாஸ் மோடியை பிரிந்ததாக அறிவித்தார். இருவரும் தனித்தனி பாதையில் செல்ல முடிவு செய்துள்ளதாக சமூக வலைதளங்களில் பதிவிட்டிருந்தனர்.
எகனாமிக் டைம்ஸ் செய்தியின்படி, ரேமண்ட் லிமிடெட் தலைவர் கவுதம் சிங்கானியாவின் மனைவி நவாஸ் மோடி, அவர் மீது தாக்குதல் நடத்தியதாக குற்றம் சாட்டியுள்ளார்.
கோபத்தில் மனைவி, மகளை அடித்து உதைத்தார்
நவாஸ் மோடியின் கூற்றுப்படி, இரண்டு மாதங்களுக்கு முன்பு சிங்கானியா கோபத்தில் அவரை அடித்து உதைத்தார். அப்போது சிங்கானியா தனது மகளையும் அடித்ததாகவும் மோடி குற்றம் சாட்டினார். இந்த சம்பவம் செப்டம்பர் 9-ஆம் திகதி நடந்ததாக நவாஸ் கூறினார்.
அவர் மீது சிங்கானியா கை ஓங்குவது இது மூன்றாவது முறை என்றும், சுமார் 15 நிமிடம் கணவர் அடித்ததாக மோடி கூறுகிறார். பிரிந்த பிறகு நவாஸ் மோடி தனது கணவர் மீது இந்தக் குற்றச்சாட்டை முன்வைத்துள்ளார் என்பது குறிப்பிடத்தக்கது.
ஆனால், இந்த குற்றச்சாட்டை கௌதம் சிங்கானியா மறுத்துள்ளார். மேலும், இந்த குற்றச்சாட்டுகளுக்கு எதிராக சட்டப்பூர்வ நடவடிக்கை எடுக்க முடியும் என கூறியுள்ளார்.
கருத்து தெரிவிக்க மறுத்த சிங்கானியா
எனது மகள்கள் மற்றும் எனது குடும்பத்தின் கண்ணியத்தை சீர்குலைக்கும் வகையில் நான் எந்த கருத்தையும் கூற விரும்பவில்லை என சிங்கானியா தனது அறிக்கையில் தெரிவித்துள்ளார். தயவு செய்து எனது தனியுரிமையை மதிக்கவும் என்று கூறியுள்ளார்.
சிங்கானியாவின் சொத்தில் 75 சதவீத பங்கு கேட்ட நவாஸ் மோடி
பிரிந்து செல்வது தொடர்பாக நவாஸ் மோடி நிபந்தனை விதித்துள்ளார். இந்த நிலையில், அவர் தனது மகள் நிஹாரிகா, நிஷா மற்றும் தனக்கும், சுமார் ரூ. 11,650 கோடி (இலங்கை பணமதிப்பில் சுமார் ரூ.45,955 கோடி) மதிப்புள்ள மொத்த சொத்தில் 75% பங்கு கேட்டுள்ளார். இதன் மூலம் விவாகரத்துக்குப் பதிலாக சிங்கானியா குடும்பத்திடம் ரூ.8,745 கோடி வழங்க வேண்டும் என்று நவாஸ் மோடி கோரியுள்ளார்.
சிங்கானியா 1999-ல் வழக்கறிஞர் நாடார் மோடியின் மகளை மணந்தார். இவருக்கு இரண்டு மகள்கள் உள்ளனர். தற்போது சிங்கானியாவின் வயது 58.
இந்த செய்தி பலரையும் அதிர்ச்சியில் ஆழ்த்தியுள்ளது. தம்பதிகளுக்கு இடையேயான இந்த விவகாரம் எங்கு முடிகிறது என்பதை பொறுத்திருந்து தான் பார்க்க வேண்டும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Nawaz Modi, Raymond boss Gautam Singhania, Nawaz Modi Gautam Singhania, gautam singhania net worth
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
