லங்காசிறி FM
நிலுவையில் போக்ஸோ வழக்கு - காதலியை ரகசிய திருமணம் செய்த RCB வீரர் யாஷ் தயாள்
போக்ஸோ வழக்கு நிலுவையில் உள்ள நிலையில், RCB வீரர் யாஷ் தயாள் ரகசிய திருமணம் செய்துள்ளார்.
யாஷ் தயாள்
உத்திரப்பிரதேச மாநிலத்தை சேர்ந்த 28 வயதான யாஷ் தயாள்(yash dayal), 2024 ஐபிஎல் தொடரில் இருந்து RCB அணிக்காக விளையாடி வருகிறார்.
2026 ஐபிஎல் தொடருக்கான ஏலத்தில் அவர் ரூ.5 கோடிக்கு RCB அணியால் தக்க வைக்கப்பட்டார்.
கடந்த ஆண்டு உத்திரப்பிரதேசத்தை சேர்ந்த பெண் ஒருவர், யாஷ் தயாள் தன்னை திருமணம் செய்வதாக கூறி, உடல் ரீதியாகவும், மனரீதியாகவும் 5 ஆண்டுகள் பயன்படுத்தி ஏமாற்றி விட்டதாக குற்றச்சாட்டை முன்வைத்தார்.
இதே போல், ஜெய்ப்பூரில் 2023 ஆம் ஆண்டில் 17 வயது சிறுமி ஒருவருக்கு கிரிக்கெட்டில் முன்னேற உதவுவதாக கூறி, துஸ்பிரயோகம் செய்ததாக குற்றச்சாட்டு வைத்தார்.
இந்த குற்றச்சாட்டுகளின் அடிப்படையில், அவர் மீது போக்ஸோ வழக்கு பதிவு செய்யப்பட்டது. இந்த வழக்கில் போக்ஸோ நீதிமன்றம் அவருக்கு முன்ஜாமீன் வழங்க மறுத்த நிலையில், ராஜஸ்தான் உயர்நீதிமன்றத்தில் மேல்முறையீடு செய்து முன் ஜாமீன் பெற்றார்.
ரகசிய திருமணம்
POCSO உள்ளிட்ட 2 வழக்கு அவர் மீது நிலுவையில் உள்ள நிலையில், கடந்த பிப்ரவரி 4 ஆம் திகதி அவர் தனது காதலியை ரகசியமாக திருமணம் செய்துள்ளதாக தகவல் வெளியாகியுள்ளது.
நெருங்கிய உறவினர்கள் மற்றும் நண்பர்கள் மட்டுமே கலந்து கொண்டுள்ள இந்த நிகழ்வில், கிரிக்கெட் வீரர்கள் யாரும் கலந்து கொள்ளவில்லை என கூறப்படுகிறது.
டெல்லியைச் சேர்ந்த இன்ஸ்டாகிராம் பிரபலமான ஸ்வேதா புண்டிர்(shweta pundir) என்பவரை திருமணம் செய்துள்ளார்.
ஸ்வேதா புண்டிரின் இன்ஸ்டாகிராம் பக்கத்தை சுமார் 5 லட்சம் பேர் பின்தொடர்கின்றனர். முன்னதாக இன்டர்காண்டினென்டல் லெஜண்ட்ஸ் லீக்கின் ஒளிபரப்பாளராகவும் பணியாற்றியுள்ளார்.
2025 ஐபிஎல் தொடரில், யாஷ் தயாள் 15 போட்டிகளில் விளையாடி 13 விக்கெட்களை வீழ்த்தினார்.
POCSO வழக்கு காரணமாக அவர் அணியில் தக்க வைப்பட்டதற்கே ரசிகர்கள் எதிர்ப்பு தெரிவித்த நிலையில், 2026 ஐபிஎல் தொடரில் அவர் அணியில் இடம் பெறுவாரா என்ற கேள்வி எழுந்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
புலோலி கிழக்கு, Villeneuve-Saint-Georges, France
30 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
