லங்காசிறி FM
வாக்காளர் அடையாள அட்டை கட்டாயம்... இடைத் தேர்தல்களுக்காக ட்ரம்ப் தீவிரம்
நவம்பர் மாதம் நடக்கும் இடைத் தேர்தல்களுக்கு வாக்காளர் அடையாள அட்டைகள் கட்டாயம் என்பதை விதிக்க முயற்சிப்பதாக ஜனாதிபதி டொனால்ட் ட்ரம்ப் தெரிவித்துள்ளார்.
குடியுரிமைச் சான்று
நாடாளுமன்றம் இதை அங்கீகரித்தாலும் இல்லையென்றாலும் தமது முடிவில் தீவிரமாக இருப்பதாக வெள்ளிக்கிழமை அவர் தெரிவித்துள்ளார். ஆனால் இந்த விவகாரத்தில் அடிப்படையான சட்டப்பூர்வ காரணத்தை ட்ரம்ப் விளக்காமல் தவிர்த்துள்ளார்.
மேலும், இந்த விவகாரம் குறித்து மேலதிக விவரங்களை வழங்காமல், நிர்வாக உத்தரவை பிறப்பிக்க திட்டமிட்டுள்ளதாக ட்ரம்ப் கூறியுள்ளார்.
அமெரிக்கத் தேர்தல்களில் வாக்களிக்க குடியுரிமைச் சான்று தேவைப்படும் மசோதாவை நாடாளுமன்றம் நிறைவேற்றியதை ட்ரம்ப் ஆதரித்துள்ளார், ஆனால், இது செனட்டில் முன்னேற்றம் காணும் என்று எதிர்பார்க்கப்படவில்லை.
இந்த மசோதா, 2024 ஜனாதிபதி தேர்தல் பரப்புரையின் போது முதன்முதலில் முன்னெடுக்கப்பட்ட தேர்தல் சட்டத்தின் சமீபத்திய பதிப்பாகும், இது 2020 தேர்தல் தோல்விக்கு பெரிய அளவிலான வாக்காளர் மோசடியே காரணம் என்ற ட்ரம்பின் தவறான கருத்துக்களால் உருவானதாகும்.
ஃபெடரல் அரசாங்கம்
இதுபோன்ற நடவடிக்கைகளை கடந்த ஆண்டு ஏப்ரல் மாதம் மற்றும் 2024 ஆம் ஆண்டும் முன்னெடுக்கப்பட்டது. ஆனால் செனட்டில் தோல்வி கண்டது.
இந்த நிலையில், தற்போது இந்த விடயத்தில் இன்னும் வெளிப்படுத்தப்படாத அல்லது சரிபார்க்கப்படாத சட்ட வாதங்களின் ஆழத்தை நான் தேடியுள்ளேன், மிக விரைவில் மறுக்க முடியாத ஒன்றை முன்வைப்பேன் என ட்ரம்ப் தனது சமூக ஊடகத்தில் பதிவிட்டுள்ளார்.
அமெரிக்க அரசியலமைப்பின் கீழ், மாகாண அரசுகளே தேர்தல்களை மேற்பார்வையிடுகின்றன, ஃபெடரல் அரசாங்கம் அல்ல, மேலும் பெரும்பாலான போட்டிகள் மாவட்ட மற்றும் உள்ளூர் அதிகாரிகளால் நிர்வகிக்கப்படுகின்றன.
இதனிடையே, ட்ரம்பின் குடியரசுக் கட்சியினர் பிரதிநிதிகள் சபையிலும் செனட்டிலும் குறைவானப் பெரும்பான்மையைக் கொண்டுள்ளனர் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
புங்குடுதீவு 3ம் வட்டாரம், Blackburn England, United Kingdom, Edinburgh, Scotland, United Kingdom
23 Jan, 2026
நெடுந்தீவு மேற்கு 4ம் வட்டாரம், நல்லூர்
09 Feb, 2026
புங்குடுதீவு 12ம் வட்டாரம், முல்லைத்தீவு, Sarcelles, France
13 Feb, 2021
நீர்வேலி, பிரான்ஸ், France, Montreal, Canada, Brampton, Canada
12 Feb, 2025
கொய்யாத்தோட்டம், யாழ்ப்பாணம், London, United Kingdom, Osterode am Harz, Germany
14 Feb, 2022
கல்வியங்காடு, யாழ்ப்பாணம், கொழும்பு, Colindale, United Kingdom
06 Feb, 2026
