லங்காசிறி FM
ஏமன் மீது பிரித்தானிய அமெரிக்க படைகள் வான்வழித் தாக்குதல்: ஹவுதி கிளர்ச்சியாளர்களுக்கு சரியான பதிலடி
தொல்லை கொடுத்துக்கொண்டேயிருந்த ஹவுதி கிளர்ச்சியாளர்களின் ராணுவ தளங்கள் மீது பிரித்தானியாவும் அமெரிக்காவும் அதிரடி தாக்குதல் நடத்தியுள்ளன.
தலைவலியாக மாறிய ஹவுதி கிளர்ச்சியாளர்கள்
செங்கடலில் பயணிக்கும் கப்பல்கள் மீது ஈரான் ஆதரவு ஹவுதி கிளர்ச்சியாளர்கள் தொடர்ந்து தாக்குதல்கள் நடத்திவரும் விடயம் உலக நாடுகள் பலவற்றிற்கு பெரும் தலைவலியாக உருவெடுத்துள்ளது.
குறிப்பாக சரக்குக் கப்பல்களை ஹவுதி கிளர்ச்சியாளர்கள் குறிவைப்பதால், தற்போது பிரித்தானியாவுக்கு வரவேண்டிய சரக்குக் கப்பல்கள் ஆப்பிரிக்காவை சுற்றி பயணிக்க வேண்டிய நிலை உருவாகியுள்ளது.
இதனால், பொருட்கள் பிரித்தானியாவுக்கு வந்து சேர கூடுதலாக 10 நாட்கள் ஆகிறது. பொருட்கள் வருவது தாமதவாவதால், பிரித்தானிய பல்பொருள் அங்காடிகளில் பொருட்களின் விலை உயரும் அபாயம் ஏற்பட்டுள்ளது.
மேலும், அமெரிக்க போர்க் கப்பல்களையும் ஹவுதி கிளர்ச்சியாளர்கள் தாக்கும் முயற்சியில் இறங்கியதும், அமெரிக்கா பதிலடி கொடுத்ததும் நடந்தது.
ஹவுதி கிளர்ச்சியாளர்களுக்கு சரியான பதிலடி
பொறுத்துப் பொறுத்துப் பார்த்த பிரித்தானியாவும் அமெரிக்காவும், நேற்றிரவு அதிரடி நடவடிக்கையில் இறங்கின. ஏமன் நாட்டில் ஹவுதி கிளர்ச்சியாளர்களின் தளங்கள் என கருதப்படும் பல இடங்கள் மீது பிரித்தானிய மற்றும் அமெரிக்கப் படைகள் இணைந்து வான்வெளித்தாக்குதல் நிகழ்த்தின.
Credit: UK MOD / Crown 2024
இந்த தாக்குதலில், ஏமன் தலைநகர் Sanaa மற்றும் Hodieda, Saada, Dhamar ஆகிய நகரங்கள் தாக்குதலுக்குள்ளாகின.
போர்க்கப்பல்களிலிருந்து ஏவுகணைகள் மூலமாகவும், போர் விமானங்கள் மூலமாகவும் இந்த தாக்குதல்கள் நிகழ்த்தப்பட்டதாக அமெரிக்கா தெரிவித்துள்ளது.
தாக்குதலின்போது குண்டுகள் வெடிக்கும் காட்சிகளும், போர் விமானங்கள் சீறிப்பாய்வதைக் காட்டும் காட்சிகளும் வெளியாகியுள்ளன.
பதிலடி கொடுப்போம் என ஏமன் எச்சரிக்கை
இந்த தாக்குதலைத் தொடர்ந்து, தங்கள் நாட்டின் மீது நிகழ்த்தப்பட்ட தாக்குதலுக்கு தக்க பதிலடி கொடுப்போம் என ஹவுதி செய்தித்தொடர்பாளர் Nasr Aldeen Amer தெரிவித்துள்ளார்.
அத்துடன், என்ன நடந்தாலும், பாலஸ்தீன மக்களுக்கு ஆதரவளிப்பதிலிருந்து பின்வாங்கமாட்டோம் என்றும் அவர் தெரிவித்துள்ளார்.
காசா மீது இஸ்ரேல் தாக்குதல் நடத்தத் துவங்கியதிலிருந்தே, காசாவுக்கு ஆதரவாக என்று கூறி, இஸ்ரேலிய கப்பல்களையும் ஹவுதி கிளர்ச்சியாளர்கள் குறிவைக்கத் துவங்கியது குறிப்பிடத்தக்கது.
Credit: Reuters
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
நயினாதீவு 5ம் வட்டாரம், நயினாதீவு 2ம் வட்டாரம், கோண்டாவில், Toronto, Canada, Montreal, Canada, London, United Kingdom
04 Dec, 2025
மன்னார், கொழும்பு, யாழ்ப்பாணம், மிருசுவில், கனடா, Canada
14 Dec, 2020
கொக்குவில் கிழக்கு, கொக்குவில், திருகோணமலை, கொழும்பு, Croydon, United Kingdom
08 Dec, 2025
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
