ஐரோப்பா கேட்டுக்கொண்டால்... ஈரான் போர் மத்தியில் விளாடிமிர் புடின் சொன்ன அந்த வார்த்தை

ரஷ்யா மீது அரசியல் அழுத்தம் கொடுக்காவிட்டால், ஐரோப்பாவிற்கு எண்ணெய் மற்றும் எரிவாயு வழங்க ரஷ்யா தயாராக இருப்பதாக ஜனாதிபதி விளாடிமிர் புடின் தெரிவித்துள்ளார்.

நிலையான ஒத்துழைப்பு

பிப்ரவரி 28 அன்று அமெரிக்காவும் இஸ்ரேலும் ஈரானை தாக்கத் தொடங்கியதிலிருந்து எண்ணெய் விலைகள் உச்சம் கண்டு வருவது கடும் நெருக்கடியை உருவாக்கியுள்ளது.

2022 இல் ரஷ்யா தனது உக்ரைன் தாக்குதலைத் தொடங்கியதிலிருந்து முதல் முறையாக இந்த வாரம் கச்சா எண்ணெய் விலை பீப்பாய்க்கு 100 டொலருக்கு மேல் வர்த்தகம் செய்யப்பட்டது.

இந்த நிலையில், ஆசியாவில் நம்பகமான கூட்டாளிகளுக்கும், ஐரோப்பிய ஒன்றிய உறுப்பினர்களான ஹங்கேரி மற்றும் ஸ்லோவாக்கியாவிற்கும் ரஷ்யா தொடர்ந்து எண்ணெய் வழங்கும் என்று புடின் கூறியுள்ளார்.

ஹார்முஸ் நீரிணையை திறப்போம்... ஒரு டசின் போர் கப்பல்களை அனுப்பும் பிரான்ஸ்

மேலும், ஐரோப்பிய நிறுவனங்களும் ஐரோப்பிய வர்த்தகர்களும் உடனடியாக தங்களை மறுசீரமைத்து, அரசியல் அழுத்தங்கள் இல்லாமல், அரசியல் அழுத்தங்களிலிருந்து விடுபட்டு, நீண்டகால, நிலையான ஒத்துழைப்பை எங்களுக்கு வழங்க முடிவு செய்தால், அவர்களுக்கு எண்ணெய் மற்றும் எரிவாயு வழங்குவதை ரஷ்யா நிராகரிக்காது என்றார்.

தடைகள் நீக்க வேண்டும்

ஐரோப்பியர்களுடன் இணைந்து பணியாற்ற நாங்கள் தயாராக இருக்கிறோம், ஆனால் அவர்கள் எங்களுடன் இணைந்து பணியாற்றத் தயாராக இருக்கிறார்கள் என்பதற்கான சில சமிக்ஞைகள் எங்களுக்குத் தேவை, மேலும் இந்த நிலைத்தன்மை மற்றும் ஸ்திரத்தன்மையை உறுதி செய்ய வேண்டும் என்றும் புடின் குறிப்பிட்டுள்ளார்.

2022 ஆம் ஆண்டில் ஐரோப்பிய ஒன்றியம் ரஷ்ய கச்சா எண்ணெயின் கடல்வழி இறக்குமதியைத் தடை செய்தது, அதே நேரத்தில் உக்ரைன் வழியாக ட்ருஷ்பா எண்ணெய் குழாய் இணைப்பு சேதமடைந்ததால், ஹங்கேரி மற்றும் ஸ்லோவாக்கியாவிற்கான ரஷ்யாவின் குழாய் வழி ஏற்றுமதி ஜனவரி முதல் மொத்தமாக நிறுத்தப்பட்டுள்ளது.

மத்திய கிழக்கில் போரினால் உயர்ந்து வரும் விலைகளை எதிர்கொள்ள, ரஷ்யாவின் எண்ணெய் மற்றும் எரிவாயு மீதான தடைகளை ஐரோப்பிய ஒன்றியம் நீக்க வேண்டும் என்று ஹங்கேரிய பிரதமர் விக்டர் ஓர்பன் வலியுறுத்திய சில மணி நேரங்களுக்குப் பிறகு புடின் ஐரோப்பா தொடர்பில் தமது கருத்தை வெளிப்படுத்தியுள்ளார்.