லங்காசிறி FM
விமானம் தரையிறங்கும் துல்லியத்தை 4 மடங்கு உயர்த்திய ரஷ்ய விஞ்ஞானிகள் - புதிய மென்பொருள் கண்டுபிடிப்பு
Russian software boosts aircraft landing accuracy: ரஷ்ய விஞ்ஞானிகள், விமான தரையிறங்கும் துல்லியத்தை 4 மடங்கு உயர்த்தியுள்ளனர்.
புதிய மென்பொருளை உருவாக்கிய ரஷ்ய விஞ்ஞானிகள்
ரஷ்யாவின் South Ural State University (SUSU) விஞ்ஞானிகள், விமானங்கள் தரையிறங்கும் போது ஏற்படும் உயரம் கணக்கிடுவதில் ஏற்படும் தவறுகளை குறைக்கும் புதிய மென்பொருளை உருவாக்கியுள்ளனர்.
இந்த மென்பொருள், 'நவிகேஷன் சூடோ-சாட்டிலைட்கள்' (Pseudo-satellites) எனப்படும் தரை அடிப்படையிலான கருவிகளை சரியான இடங்களில் அமைப்பதற்கான சிறந்த தீர்வை வழங்குகிறது.
விமானங்கள் இறங்கும் போது, குறிப்பாக 300 மீட்டர் உயரத்திலிருந்து தரை வரை வரும் இறக்கத்தில், உயரம் கணக்கிடுவதில் ஏற்படும் தவறுகள் மிக ஆபத்தானவை.
நான்கு மடங்கு அதிக துல்லியம்
இந்த மென்பொருள், புவியியல் நிலப்பரப்பு மற்றும் இறங்கும் பாதை ஆகியவற்றை கணக்கில் கொண்டு, ப்சூடோ-சாட்டிலைட்களின் இடம் மற்றும் கோபுர உயரத்தை துல்லியமாக கணக்கிடுகிறது.
இதன் மூலம், உயரத்தை கணக்கிடும் துல்லியம் நான்கு மடங்கு அதிகரிக்கிறது என ஆராய்ச்சியாளர்கள் தெரிவித்துள்ளனர்.
“எங்கள் மென்பொருள், இறங்கும் பாதையின் முக்கிய பகுதிகளுக்கு அதிக முக்கியத்துவம் அளிக்கிறது. இதனால், விமானம் தரையிறங்குவதற்கு முன் உயரம் கணக்கீட்டுத் துல்லியம் 2.5 இலிருந்து 0.6- ஆகக் குறைகிறது” என ஸ்டானிஸ்லாவ் லிசோவ், SUSU-வின் எலக்ட்ரானிக் மற்றும் ரேடியோ இன்ஜினியரிங் துறையின் மூத்த விரிவுரையாளர் விளக்கமளித்தார்.
மிகவும் பயனுள்ள கண்டுபிடிப்பு
இந்த கண்டுபிடிப்பு, தொலைதூர மற்றும் வடக்கு விமான நிலையங்களில் மிகவும் பயனுள்ளதாக இருக்கும். அங்கு, உலகளாவிய நவிகேஷன் சிஸ்டம் (GPS) சிக்னல்கள் பல நேரங்களில் நிலையானதாக இருக்காது. மேலும், இந்த மென்பொருள் சிவில் ஏவியேஷன் மட்டுமின்றி, எதிர்கால மீண்டும் பயன்படுத்தக்கூடிய விண்கலங்கள் தரையிறங்குவதற்கும் உதவக்கூடும்.
விமான நிலையங்கள் அமைக்கும் இடங்களைத் தேர்வு செய்யும் போது, சர்வேயர்கள் மற்றும் விண்வெளி சரக்கு ஏவுதலில் ஈடுபடும் நிறுவனங்கள் இதனைப் பயன்படுத்தலாம்.
இந்த புதிய தொழில்நுட்பம், விமானப் பாதுகாப்பை மேம்படுத்துவதோடு, விண்வெளி ஆராய்ச்சிக்கும் புதிய வாய்ப்புகளைத் திறக்கிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026