போரில் ரஷ்ய வீரர்கள் வீடுகளில் உள்ள கழிவறை கிண்ணங்களை கூட திருடுகிறார்கள்: உக்ரைன் அமைச்சர் குற்றச்சாட்டு

ரஷ்ய ராணுவ வீரர்கள் உக்ரேனிய மக்களின் வீட்டில் உள்ள கழிவறை கிண்ணங்களை கூட திருடிச் செல்கிறார்கள் என உக்ரைன் நாட்டின் அமைச்சர் தெரிவித்துள்ளார்.

உக்ரைன் நாட்டிற்கு ஆதரவு

உக்ரைன் மற்றும் ரஷ்யாவிற்கு இடையே நடக்கும் போரில் அமைதிக்கான பேச்சுவார்த்தையில் ஈடுபடவும், போரை நிறுத்த உலக நாடுகளின் எந்த ஒரு முயற்சியிலும் இந்தியா பங்கேற்க தயார் என்று இந்திய பிரதமர் நரேந்திர மோடி தெரிவித்திருந்தார்.

உக்ரைனின் முதல் வெளியுறவுத் துறை துணை அமைச்சரான எமின் தபரோவா(Emine Dzhaparova)  நான்கு நாள் பயணமாக கடந்த 10 ஆம் திகதி இந்தியாவிற்கு வருகை தந்துள்ளார்.

@reuters

போர் தொடங்கியதில் இருந்து, உக்ரைனிலிருந்து இந்தியாவிற்கு வருகை தரும் எமின் தபரோவாவின் முதல் அதிகாரப்பூர்வ பயணம் இதுவாகும். போரை முடிவுக்கு கொண்டு வந்து அமைதி ஏற்பட இந்தியா உதவ வேண்டும் என அவர் வலியுறுத்தினார்.

மேலும் இந்த போரில் ரஷிய வீரர்கள் மேற்கொண்ட மனித உரிமை மீறல்களை பற்றியும் தபரோவா குறிப்பிட்டுள்ளார்.

வீட்டு உபயோகப் பொருட்கள் திருட்டு

ரஷிய வீரர்கள் அவர்களுடைய மனைவி மற்றும் தாயாருடன் பேசிய உரையாடலை கேட்டதாக கூறிய தபரோவா

“உக்ரைனில் உள்ள ஒவ்வொரு வீட்டிலிருந்தும் பல பொருட்களை திருடினோம். ஏன் கழிவறை கிண்ணங்களை கூட விட்டு வைக்கவில்லை” என பேசிக்கொண்டதாக அவர் கூறியுள்ளார்.

@reuters

மேலும் அவர் உக்ரைனிய பெண்களை ரஷ்ய ராணுவ வீரர்கள் துஷ்பிரயோகம் செய்வதாக குற்றம் சாட்டியுள்ளார்.

“ஒரு வீட்டில் தாயின் முன்னிலையிலே 11 வயது மகளை ரஷ்ய ராணுவ வீரர்கள் துஷ்பிரயோகம் செய்ததாகவும், இதனால் அந்த சிறுமி மனநலம் பாதிக்கப்பட்டுள்ளார்” என அடுக்கடுக்காக ரஷ்ய ராணுவத்தினர் மீது குற்றம் சாட்டியுள்ளார்.

@reuters

உலகளாவிய தெற்கு நாடுகளுக்கான தலைவர் மற்றும் இந்தியாவின் ஜி-20 தலைமைத்துவம் ஆகியவை பற்றிய கேள்விக்கு பதிலளித்த தபரோவா, சர்வதேச விவகாரங்கள் மற்றும் சவால்களை, பொருளாதார, எரிசக்தி மற்றும் அணு ஆயுத சவால்களை பற்றி இந்தியா பெரிய அளவில் விவாதிக்கும் என தனது நம்பிக்கையை வெளிப்படுத்தி உள்ளார்.  

#WATCH | Delhi: "...When we receive intercepted conversations of Russian soldiers with their wives & mothers, they are about what to steal from Ukrainian households, they steal sometimes even toilet bowls": Deputy Minister of Foreign Affairs of Ukraine Emine Dzhaparova pic.twitter.com/f837LV8HI1

— ANI (@ANI) April 11, 2023