லங்காசிறி FM
வாழ்த்துக்கள் முதலாளி! துணை முதலமைச்சரான உதயநிதிக்கு நடிகர் சந்தானம் வாழ்த்து
தமிழகத்தில் துணை முதலமைச்சராகப் பொறுப்பேற்றுள்ள உதயநிதி ஸ்டாலினுக்கு நடிகர் சந்தானம் வாழ்த்து தெரிவித்துள்ளார்.
துணை முதலமைச்சரான உதயநிதி
தமிழக விளையாட்டுத் துறை மற்றும் இளைஞர் நலன் துறை அமைச்சர் உதயநிதி ஸ்டாலின் தமிழகத்தின் துணை முதலமைச்சராக பதவியேற்பார் என்று சில மாதங்களாக தகவல்கள் பரவி வந்தது.
இதையடுத்து, அமெரிக்க பயணத்தை முடித்து விட்டு வந்த தமிழக முதலமைச்சர் மு.க.ஸ்டாலின் அமைச்சரவையில் மாற்றம் ஏற்படும் என்று தெரிவித்திருந்தார்.
அதுமட்டுமல்லாமல், "அமைச்சரவை மாற்றத்தில் ஏமாற்றம் இருக்காது. நிச்சயமாக மாற்றம் இருக்கும்" என்றும் கூறினார்.
இதனிடையே உதயநிதி இதுபற்றி பேசுகையில், "இதன் முழு அதிகாரம் முதலமைச்சரிடம் தான் இருக்கிறது. அவரிடம் தான் இதை பற்றி கேட்க வேண்டும்" என்று கூறி வந்தார்.
சந்தானம் வாழ்த்து
இந்நிலையில் நேற்று தமிழக இளைஞர் நலன் மற்றும் விளையாட்டுத்துறை அமைச்சர் உதயநிதி ஸ்டாலின், துணை முதலமைச்சராக நியமனம் செய்யப்பட்டார்.
இதனால், தமிழகம் முழுவதும் உள்ள திமுகவினர் பட்டாசு வெடித்து கொண்டாடினர். மேலும், துணை முதலமைச்சராகப் பொறுப்பேற்றுள்ள உதயநிதி ஸ்டாலினுக்கு பலரும் வாழ்த்துக்கள் தெரிவித்து வருகின்றனர்.
அந்தவகையில் நடிகர் சந்தானம் துணை முதலமைச்சர் உதயநிதி ஸ்டாலினை நேரில் சந்தித்து வாழ்த்து தெரிவித்தார்.
மேலும் அவர் தனது ட்விட்டர் எக்ஸ் தளத்தில், "மனமார்ந்த வாழ்த்துகள் டியர் முதலாளி. இந்தத் தலைமைப் பதவியிலும் இன்னும் நிறைய வெற்றிகளைக் குவிக்க வாழ்த்துகள்" என்று தெரிவித்துள்ளார்.
உதயநிதி ஸ்டாலினுக்கு துணை முதலமைச்சர் பதவி அளிக்கப்பட்டதோடு, மொத்தம் 6 அமைச்சர்களின் இலாகாக்கள் மாற்றப்பட்டுள்ளது. அதாவது, 3 அமைச்சர்கள் அமைச்சரவையில் இருந்து நீக்கப்பட்டு செந்தில் பாலாஜி, ஆவடி நாசர், கோவி செழியன், சேலம் ராஜேந்திரன் ஆகியோர் இணைக்கப்பட்டுள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
