தாக்குதலை நிறுத்த ஹூதிகளுக்கு 1 பில்லியன் வழங்கும் சவுதி அரேபியா

saudi offers 1 billion to houthi for stop attacks: ஈரானின் ஆதரவு பெற்ற ஏமனில் செயல்பட்டு வரும் ஹூதிகள், சவுதி அரேபியாவில் உள்ள விமான நிலையங்கள் மற்றும் குறிப்பாக எண்ணெய் வசதிகள் மீது தாக்குதல் நடத்தி, பாரிய பொருளாதார சேதத்தை ஏற்படுத்தி வருகின்றனர். 

இந்த தாக்குதலை நிறுத்த, ஹூதிகளுக்கு சவுதி அரசு 1 பில்லியன் டொலர் (இந்திய மதிப்பில் ரூ.9,498 கோடி) வழங்க முன்வந்துள்ளதாக தகவல் வெளியாகியுள்ளது.

ஹூதிகளுக்கு 1 பில்லியன் வழங்கும் சவுதி அரேபியா

சவுதி அரேபியாவுக்கும் ஹூதிகளுக்கும் இடையேயான மோதலுக்கு, மத்தியஸ்தம் செய்ய ஈரான் முன்வந்தது. 

மோதலைக் கட்டுப்படுத்துவதற்கான இராஜதந்திர முயற்சிகளின் ஒரு பகுதியாக, சவுதி பாதுகாப்பு அமைச்சர் இளவரசர் காலித் பின் சல்மான் ஈரானிய அதிகாரிகளுடன் பேச்சுவார்த்தை நடத்த நேற்று தெஹ்ரானுக்கு சென்றார். 

போலி ஆவணங்கள் மூலம் அமெரிக்க தடையை மீறி எரிபொருள் வாங்கிய நாடு

இந்த பேச்சுவார்த்தையில் சவுதி அரேபியாவின் மெக்கா கூட்டாளிகள் தரப்பில் துருக்கி உளவுத்துறைத் தலைவர் இப்ராஹிம் காலின் மற்றும் பாகிஸ்தான் ராணுவத் தளபதி ஆசிம் முனீர் உள்ளிட்டோரும் பங்குபெற்றனர். 

ஈரான் சார்பில் ஜனாதிபதி மசூத் பெஷெஷ்கியான், உச்ச தேசிய பாதுகாப்பு மன்றச் செயலாளர் ஜெனரல் மொஹ்சென் ரெஸாயி மற்றும் IRGCயின் மூத்த அதிகாரிகள் கலந்துகொண்டனர். 

இந்தப் பேச்சுவார்த்தையின்படி, சவுதி அரசு ஈரான் மூலமாக ஹூதிகளுக்கு 1 பில்லியன் டொலரை வழங்குகிறது.

இதனை ஹூதி தனது கட்டுப்பாட்டில் உள்ள பகுதிகளில் பொதுத்துறை ஊழியர்களின் சம்பளத்தை வழங்குவதற்கும், உள்கட்டமைப்பை மீண்டும் கட்டியெழுப்புவதற்கும் நோக்கமாகக் கொண்டிருந்தது.

இதற்குப் பதிலாக, ஹூதிகள் போர் நிறுத்தத்தைக் கடைப்பிடித்து, சவுதி அரேபியாவின் மீதான தங்கள் தாக்குதல்களை நிறுத்த வேண்டும் என்று எதிர்பார்க்கப்பட்டது.

இளவரசர் பின் சல்மான் தான் வந்தடைந்த ஹெர்குலஸ் இராணுவப் போக்குவரத்து விமானத்திலேயே அந்தப் பணத்தையும் கொண்டு வந்ததாக கூறப்படுகிறது.

ஹூதிகளுடனான சர்ச்சையின் ஒரு பகுதி, 3 ஆண்டுகளுக்கு முன்பு எட்டப்பட்ட புரிந்துணர்வுகளைச் செயல்படுத்துவதை மையமாகக் கொண்டது என்று சவுதி அதிகாரி ஒருவர் கூறினார்.

ஆனால், ஈரான் ஹூதிகளுக்கு ஆயுதங்கள் உட்பட பிற ஆதரவுகளை வழங்குகிறது.

அதேவேளையில், மெக்கா ஒப்பந்தப்படி ஒரு நாடு தாக்குதலுக்கு உள்ளானால், அதன் உறுப்பு நாடுகள் இராணுவ உதவியை வழங்க வேண்டும். ஆனால் பாகிஸ்தான் மற்றும் இராணுவ ஆலோசகர்களை மட்டுமே அனுப்பியுள்ளது.