லங்காசிறி FM
நாடொன்றின் உலக வங்கி கடனை அடைக்கும் பிரபலமான இரு மத்திய கிழக்கு நாடுகள்
உலக வங்கிக்கு சிரியா செலுத்த வேண்டிய சுமார் 15 மில்லியன் டொலர் கடனை அடைப்பதாக சவுதி அரேபியாவும் கத்தாரும் அறிவித்துள்ளது.
சுமார் 15 மில்லியன் டொலர்
சவுதி அரேபிய அரசாங்கம் வெளியிட்டுள்ள அறிக்கையிலேயே குறித்த தகவல் குறிப்பிடப்பட்டுள்ளது. கடந்த டிசம்பரில் பஷார் அல்-அசாத் பதவி நீக்கம் செய்யப்பட்டதிலிருந்து, சிரியாவின் புதிய ஆட்சியாளர்களுடன் தூதரக உறவுகளை மேம்படுத்துவதில் இரு வளைகுடா நாடுகளும் முக்கிய பங்கு வகித்துள்ளன.
இந்த நிலையில் சவுதி அரேபியாவின் நிதி அமைச்சகமும் கத்தார் நாடும் கூட்டாக சிரியாவின் உலக வங்கிக் குழுவிற்கு செலுத்த வேண்டிய நிலுவைத் தொகையான சுமார் 15 மில்லியன் டொலர் தொகையை அடைப்பதற்கான உறுதிப்பாட்டை அறிவித்துள்ளன என்று அந்த அறிக்கையில் தெரிவிக்கப்பட்டுள்ளது.
சிரியாவின் மத்திய வங்கி ஆளுநரும் நிதியமைச்சரும் 20 ஆண்டுகளுக்கும் மேலாக முதல் முறையாக சர்வதேச நாணய நிதியம் மற்றும் உலக வங்கி வசந்த காலக் கூட்டங்களில் கலந்து கொண்ட சில நாட்களுக்குப் பிறகு இந்த அறிக்கை வெளியிடப்பட்டுள்ளது.
ஜனநாயக ஆதரவு போராட்டங்கள் மீதான கொடூர ஒடுக்குமுறையுடன் தொடங்கிய 14 ஆண்டுகால போரால் சிரியாவின் பெரும்பாலான உள்கட்டமைப்புகள் அழிக்கப்பட்டுள்ளன.
சிரிய அதிகாரிகள்
கடந்த டிசம்பர் மாதம் இஸ்லாமியவாத தலைமையிலான கிளர்ச்சியாளர்களால் மின்னல் தாக்குதலில் அசாத் பதவி நீக்கம் செய்யப்பட்டார், மேலும் சிரியாவின் புதிய அரசாங்கம் சர்வதேச நிதி நிறுவனங்கள் உட்பட நாட்டின் தூதரக உறவுகளை மீண்டும் கட்டியெழுப்ப முயன்று வருகிறது.
சிரியாவில் போர் தொடங்கியபோது உலக வங்கி தனது நடவடிக்கைகளை நிறுத்தியது. அதன் நிலுவைத் தொகையைத் தீர்ப்பது வங்கியின் நிதி உதவி மற்றும் தொழில்நுட்ப ஆலோசனையை மீண்டும் பெற உதவும் என்றே கூறப்படுகிறது.
இதனிடையே, போரினால் பாதிக்கப்பட்ட தங்கள் நாட்டின் மறுகட்டமைப்புக்கும் அதன் பொருளாதாரத்தை மீட்டெடுப்பதற்கும் நிதியளிப்பதில் செல்வந்த வளைகுடா அரபு நாடுகள் முக்கிய பங்கு வகிக்கும் என்று சிரிய அதிகாரிகள் நம்பியுள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
நெடுந்தீவு, சிவபுரம், வவுனிக்குளம், பாண்டியன்குளம், அனலைதீவு, Neuss, Germany, Oslo, Norway, சென்னை, India
22 Apr, 2023
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
புங்குடுதீவு 3ம் வட்டாரம், கோண்டாவில் கிழக்கு, Toronto, Canada
23 Feb, 2025
யாழ் கோண்டாவில் வடக்கு, Jaffna, யாழ் புத்தூர் வடக்கு, Jaffna
19 Apr, 2023
அளவெட்டி, London, United Kingdom, Wales, United Kingdom
19 Apr, 2023