லங்காசிறி FM
12 ஆண்டுகளுக்கு பிறகு தீவிரமாகும் சீமான் - விஜயலட்சுமி பிரச்சனை முடிவுக்கு வருமா? இன்று விசாரணை
நடிகை விஜயலட்சுமி விவகாரத்தில் பொலிஸ் விசாரணைக்கு தடை கேட்டு நாம் தமிழர் கட்சி சீமான் தொடர்ந்த வழக்கு இன்று விசாரணைக்கு வருகிறது.
சீமான் - விஜயலட்சுமி வழக்கு
சீமான் தன்னை காதலித்து திருமணம் செய்து கொள்வதாக ஏமாற்றினார் என்றும், என்னை அவர் பயன்படுத்திக் கொண்டு கடைசியில் வேறு பெண்ணை திருமணம் செய்து கொண்டார் என்றும் நடிகை விஜயலட்சுமி கடந்த 2011 ஆம் ஆண்டு வளசரவாக்கம் காவல் நிலையத்தில் புகார் அளித்திருந்தார்.
இந்த புகாரின் அடிப்படையில், தன் மீது பதியப்பட்ட வழக்கை ரத்து செய்ய வேண்டும் என சென்னை உயர்நீதிமன்றத்தில் சீமான் மனுதாக்கல் செய்திருந்தார்.
அதில் அவர், 2011 ஆம் ஆண்டு நடிகை விஜயலட்சுமி அளித்த புகாரை கடிதம் மற்றும் விசாரணை அடிப்படையில் காவல்துறை முடித்து வைத்துள்ள நிலையில், தனக்கு சம்மன் அனுப்பப்பட்டதாக கூறினார்.
இந்த வழக்கானது நீதிபதி ஆனந்த் வெங்கடேஷ் முன்பு கடந்த 20 ஆம் திகதி விசாரணைக்கு வந்தது. அப்போது, 2011 ஆம் ஆண்டு விஜயலட்சுமி அளித்த புகாரை 2012 ஆம் ஆண்டு வாபஸ் பெற்ற நிலையில், 2023 ஆம் ஆண்டு புதிதாக புகார் அளித்து, ஒரு மாதத்தில் வாபஸ் பெறப்பட்டுள்ளது என சீமான் தரப்பில் வாதிடப்பட்டது.
ஆனால், மனு நகல் தரப்படவில்லை என காவல் துறை தரப்பில் கூறியதைடுத்து, புகார் குறித்த விவரங்களை காவல்துறை தாக்கல் செய்ய வேண்டும் எனவும், 2011 ஆம் ஆண்டு அளித்த புகாரை நிலுவையில் வைத்திருந்தது ஏன் என காவல்துறை பதிலளிக்க வேண்டும் எனவும் நீதிமன்றம் உத்தரவிட்டது.
இன்று விசாரணை
இதனைத்தொடர்ந்து, இந்த விவகாரம் தொடர்பாக விளக்கம் அளித்து பொலிசார் அறிக்கை சமர்ப்பித்தனர். கடந்த முறை இந்த வழக்கு விசாரணைக்கு வந்த போது நீதிபதி விடுமுறை என்பதால் வழக்கு விசாரணைக்கு வரவில்லை.
இதனால், இந்த வழக்கு மீண்டும் இன்று விசாரணைக்கு வருகிறது. 12 ஆண்டுகளுக்கு பிறகு தீவிரமாகும் விஜயலட்சுமி, சீமான் விவகாரம் முடிவுக்கு வருமா என்று பொறுத்திருந்து தான் பார்க்க வேண்டும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 5ம் வட்டாரம், புங்குடுதீவு 6ம் வட்டாரம், Montreal, Canada
19 Apr, 2013
அளவெட்டி, London, United Kingdom, Wales, United Kingdom
19 Apr, 2023
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
ஓட்டுமடம், புங்குடுதீவு 6ம் வட்டாரம், திருச்சி, India, Toronto, Canada
17 Apr, 2015
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
