லங்காசிறி FM
பெண்களின் பாதுகாப்பை உறுதி செய்யும் புதிய காலணி: உத்தர பிரதேச மாணவர்களின் சாதனை படைப்பு
பெண்களின் பாதுகாப்புக்காக அதிநவீன தொழில்நுட்பத்துடன் கூடிய காலணியை உத்தர பிரதேச மாணவர்கள் உருவாக்கியுள்ளனர்.
பெண்களின் பாதுகாப்பு
பெண்களின் பாதுகாப்புக்காக கடந்த 20 ஆண்டுகளில் பல்வேறு பாதுகாப்பு பொருட்கள் அறிமுகப்படுத்தப்பட்டுள்ளன.
பெப்பர் ஸ்பிரே, ரேப் விஷில், டாக்சியில் எஸ்ஓஎஸ் பட்டன் போன்றவை அவற்றில் சில. தற்போது, பள்ளி மாணவர்கள் பாதுகாப்பு அம்சங்கள் நிறைந்த புதுமையான காலணியை கண்டுபிடித்துள்ளனர்.
உத்தர பிரதேசத்தின் மகாராஜ்கஞ்ச் மாவட்டத்தில் உள்ள ஆர்பிஐ சி பள்ளியில் பயிலும் அம்ரித் திவாரி மற்றும் கோமல் ஜெய்ஸ்வால் என்ற மாணவர்கள் இந்த காலணியை உருவாக்கியுள்ளனர்.
பெண்களுக்கு ஆபத்து ஏற்பட்டால், இந்த காலணியின் அடியில் உள்ள பட்டனை அழுத்தினால் போதும். உடனே அது எஸ்ஓஎஸ் எச்சரிக்கையை அவர்களின் குடும்பத்தினர், நண்பர்கள் மற்றும் நம்பிக்கைக்குரியவர்களின் செல்போன்களுக்கு அனுப்பிவிடும்.
இந்த எச்சரிக்கை மூலம் காலணி அணிந்திருப்பவரின் இருப்பிடத்தை எளிதாக கண்டறிய முடியும். மேலும், இதில் உள்ள மைக்ரோபோன் மூலம் காலணி அணிந்திருப்பவரின் இடத்திலுள்ள உரையாடல்களைக் கூட கேட்க முடியும்.
தாக்குதல்தாரியை நிலைகுலைய செய்யும் அம்சம்
இந்த காலணியை பயன்படுத்தி தாக்குதல் நடத்துபவர்களை மிதித்தால், அதில் இருந்து வெளியாகும் மின்சாரம் தாக்குதல் நடத்துபவரை நிலைகுலையச் செய்யும்.
அதே நேரத்தில், காலணி அணிந்திருப்பவருக்கு எந்த வித பாதிப்பையும் ஏற்படுத்தாது.
இந்த காலணி குறித்து தயாரித்த மாணவர்கள் கூறுகையில், "நாங்கள் உருவாக்கிய செயலி, காலணியில் இருந்து செல்போனுக்கு எச்சரிக்கை தகவல்களை அனுப்பும் தொழில்நுட்பத்தை கொண்டுள்ளது.
காலணியில் கேமராவையும் பொருத்த திட்டமிட்டுள்ளோம். இதன் மூலம் காலணி அணிந்திருப்பவரைச் சுற்றி என்ன நடக்கிறது என்பதை அறியலாம். பெண்களின் பாதுகாப்பை மனதில் வைத்தே இந்த காலணியை நாங்கள் உருவாக்கியுள்ளோம்," என்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 6ம் வட்டாரம், Toronto, Canada, வவுனியா, கொட்டாஞ்சேனை
09 Sep, 2021
நுணாவில், கொச்சிக்கடை, நீர்கொழும்பு, Melbourne, Australia
19 Aug, 2025
ஏழாலை வடக்கு, உடுவில், Bochum, Germany, Scarborough, Canada
18 Aug, 2025
புங்குடுதீவு இறுப்பிட்டி, Montreal, Canada, Scarborough, Canada
22 Aug, 2020
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021