லங்காசிறி FM
9 சிக்ஸர்களுடன் 49 பந்துகளில் 100 ஓட்டங்கள்! ஷபாலி வெர்மாவின் மிரட்டலில்..இந்தியா அபார வெற்றி
Shafali verma 100 runs in 49 balls in asian games 2026: வங்காளதேச மகளிர் அணிக்கு எதிரான போட்டியில் 114 ஓட்டங்கள் வித்தியாசத்தில் இந்தியா வெற்றி பெற்றது.
மகளிர் ஆசிய கிண்ணப் போட்டியில் இந்திய அணி 114 ஓட்டங்கள் வித்தியாசத்தில் வங்காளதேசத்தை வீழ்த்தி இறுதிப்போட்டிக்கு முன்னேறியது.
மந்தனா, ஷபாலி அதிரடி
இந்தியா மற்றும் வங்காளதேச அணிகளுக்கு இடையிலான மகளிர் ஆசிய கிண்ண அரையிறுதிப்போட்டி நிஸ்ஷினில் நடந்தது.
முதலில் களமிறங்கிய இந்திய அணியில், ஸ்ம்ரிதி மந்தனா (Smriti Mandhana) அதிரடியாக 19 பந்துகளில் 37 ஓட்டங்கள் (2 சிக்ஸர்கள், 5 பவுண்டரிகள்) விளாசி ஆட்டமிழந்தார்.
அடுத்து வந்த கமலினி 3 ஓட்டங்களில் வெளியேற, ஹர்மன்ப்ரீத் கவுர் நிதான ஆட்டத்தை கடைபிடித்தார். மறுமுனையில் ஷபாலி வெர்மா (Shafali Verma) சிக்ஸர்மழை பொழிந்தார்.
இறுதிவரை களத்தில் நின்று ஷபாலி சதம் விளாசினார். இதன்மூலம் இந்திய அணி 195 ஓட்டங்கள் குவித்தது. ஷபாலி வெர்மா 49 பந்துகளில் 9 சிக்ஸர்கள், 3 பவுண்டரிகளுடன் 100 ஓட்டங்கள் விளாசினார்.
இந்தியா இமாலய வெற்றி
ஹர்மன்ப்ரீத் கவுர் 33 பந்துகளில் 6 பவுண்டரிகளுடன் 40 ஓட்டங்கள் எடுத்தார். மருஃபா, ஷான்ஜிதா, ரபேயா மற்றும் நஹிதா தலா ஒரு விக்கெட் வீழ்த்தினர்.
பின்னர் ஆடிய வங்காளதேச அணி 15.4 ஓவர்களில் 81 ஓட்டங்களுக்கு சுருண்டதால், இந்தியா 114 ஓட்டங்கள் வித்தியாசத்தில் இமாலய வெற்றி பெற்றது.
அதிகபட்சமாக திலரா அக்தர் 27 ஓட்டங்கள் எடுத்தார். நந்தனி ஷர்மா மற்றும் தீப்தி ஷர்மா தலா 3 விக்கெட்டுகளும், ஸ்ரீ சரணி 2 விக்கெட்டுகளும், ஷ்ரேயங்கா பாட்டீல் ஒரு விக்கெட்டும் கைப்பற்றினர்.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
கரவெட்டி மேற்கு, Lewisham, United Kingdom
12 Sep, 2003
