லங்காசிறி FM
குறையும் திருமணங்கள்; அரசு ஊழியர்களுக்கு டேட்டிங் செயலியை அறிமுகப்படுத்தியுள்ள அரசு
singapore launches dating app for public servants: திருமணம், பிறப்பு விகிதம் குறைந்து வரும் நிலையில், அரசு ஊழியர்களுக்கான டேட்டிங் செயலியை சிங்கப்பூர் அரசு அறிமுகப்படுத்தியுள்ளது.
குறையும் திருமணம், பிறப்பு விகிதம்
உலகின் பல்வேறு நாடுகள், குறைந்த பிறப்பு விகிதம் என்ற சிக்கலை எதிர்கொண்டு வருகின்றன.
சிங்கப்பூரில், 2024 ஆம் ஆண்டில் 0.97 ஆக இருந்த மொத்தக் கருவுறுதல் விகிதம் (TFR), கடந்த ஆண்டில் 0.87 ஆகச் சரிந்து தென்கிழக்கு ஆசியாவிலேயே மிகக் குறைந்த அளவாக உள்ளது.
சிங்கப்பூரில், 2025 ஆம் ஆண்டில், 30,000க்கும் குறைவான குழந்தைகளே பிறந்தன. இது கடந்த 60 ஆண்டுகளில் இல்லாத குறைந்தபட்ச எண்ணிக்கையாகும்.
மேலும், கடந்த 3 ஆண்டுகளாக திருமண பதிவுகளும் குறைந்து வருகிறது.
அரசு ஊழியர்களுக்கான டேட்டிங் செயலி
பிறப்பு விகித குறைவை சரி செய்யும் நோக்கில், அரசு ஊழியர்களுக்கான டேட்டிங் செயலியை சிங்கப்பூர் அரசு அறிமுகப்படுத்தியுள்ளது.
'ஃபர்ஸ்ட் டேட்' (FirstDate) என்ற இந்த செயலியில், 21 முதல் 35 வயதுக்குட்பட்ட அரசு ஊழியர்கள் தங்களது சுயவிவரங்களை பதிவு செய்து கொள்ளலாம்.
மேலும், தங்களது ஆர்வங்கள், பிடித்த பிடிக்காத விடயங்கள், மத முன்னுரிமை உள்ளிட்ட தகவல்களை சுயவிவரத்தில் சேர்க்கலாம்.
தொடர்புத் தகவல்களைப் பகிரலாமா வேண்டாமா என்பதை ஊழியர்களே முடிவுசெய்யலாம்.
அவர்களது சுயவிவரத்திற்கு பொருந்தும் பொருத்தங்களையே அல்காரிதம் காட்டும்.
ஒவ்வொரு பொருத்ததிற்கு பிறகும் பயனர்களுக்கு ஒரு சிறிய கருத்துக்கணிப்பு அனுப்பப்படும். பொருத்தம் என்று தேர்வு செய்யப்பட்டவரை நேரில் சந்தித்தனரா போன்ற கேள்விகள் அதில் இருக்கும்.
திருமணமாகாதவர்கள், துணையை இழந்தவர்கள், விவாகரத்து பெற்றவர்கள் இதில் கலந்து கொள்ள தகுதியுடையவர்கள். அக்டோபர் 5 ஆம் திகதி இதற்கான விண்ணப்பம் நிறைவடைகிறது.
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
