லங்காசிறி FM
உலகில் திறமையானவர்கள் அதிகம் உள்ள நாடு இதுதான் - இந்தியாவை முந்திய இலங்கை
உலக நாடுகள் தங்கள் எதிர்காலத்தை சிறப்பாக வடிவமைக்க, திறமையாளர்களை உருவாக்க போட்டியிட்டு வருகின்றன.
இந்நிலையில், INSEAD மற்றும் Portulans Institute இனைந்து, 2025 ஆம் ஆண்டுக்கான உலகளாவிய திறமை போட்டித்திறன் குறியீட்டின் (GTCI) பட்டியலை வெளியிட்டுள்ளது.
முதலிடம் பிடித்த சிங்கப்பூர்
இந்த பட்டியலில், 2023 ஆம் ஆண்டில் 2வது இடத்தில் இருந்த சிங்கப்பூர் இந்த ஆண்டு முதலிடம் பிடித்துள்ளது.
கல்வி முறையின் நிலையான பரிணாமம், தகவமைப்பு, புதுமை சார்ந்த பணியாளர்களை வளர்ப்பதற்கான அதன் முன்னோக்கிய அணுகுமுறை, திறமையான நிர்வாகம் மற்றும் உயர் வாழ்க்கைத் தரம் காரணமாக முதலிடம் பிடித்துள்ளது.
முதலிடத்தில் இருந்த சுவிட்சர்லாந்து, ஒரு இடம் பின்தங்கி 2வது இடத்திற்கு சென்றுள்ளது.
டென்மார்க் 3வது இடத்திலும், பின்லாந்து 4வது இடத்திலும், ஸ்வீடன் 5வது இடத்திலும், நெதர்லாந்து 6வது இடத்திலும், நோர்வே 7வது இடத்திலும், லக்சம்பெர்க் 8வது இடத்திலும் உள்ளது.
கடந்த முறை 3வது இடத்தில் இருந்த அமெரிக்கா 9வது இடத்திற்கும், 8வது இடத்தில் இருந்த அவுஸ்திரேலியா 10வது இடத்திற்கும், 12வது இடத்தில் இருந்த அயர்லாந்து 11வது இடத்திற்கும், 10வது இடத்தில் இருந்த பிரித்தானியா 12வது இடத்திற்கும் வந்துள்ளது.
100வது இடத்தில் இந்தியா
உலகின் இரண்டாவது பெரிய பொருளாதார நாடான சீனா, 2023 ஆம் ஆண்டில் 40 வது இடத்தில் இருந்து 53 வது இடத்திற்கு சரிந்துள்ளது.
தெற்கு ஆசிய நாடான இலங்கை 36.89 புள்ளிகளுடன் 92வது இடத்தில் உள்ளது.
இந்தியா, 34.03 புள்ளிகளுடன் 3 இடங்கள் முன்னேறி 100வது இடத்தை பிடித்துள்ளது. அதன் தொழிற்கல்வி மற்றும் வேலைவாய்ப்புத் தரத்தை வலுப்படுத்துவது அதன் டிஜிட்டல் பலங்கள் மற்றும் உலகின் முன்னணி ஐடி சேவை ஏற்றுமதிகளைப் பயன்படுத்திக் கொள்ள உதவும்.
26.90 புள்ளிகளுடன் பாகிஸ்தான் 124வது இடத்தில் உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
