லங்காசிறி FM
SL vs BAN; அதிரடி சதத்துடன் 2 சாதனைகளை படைத்த பத்தும் நிசங்க
Karthikraja
in கிரிக்கெட்
இலங்கை வீரர் பத்தும் நிசங்க அதிரடியாக ஆடி சதமடித்துள்ளார்.
SL vs BAN
இலங்கையின் காலி மைதானத்தில் வங்கதேசம் மற்றும் இலங்கை அணிகளுக்கு இடையேயான முதல் டெஸ்ட் போட்டி நடைபெற்று வருகிறது.
நாணய சுழற்சியில் வென்ற வங்கதேச அணி, முதலில் துடுப்பாட்டத்தை தேர்வு செய்தது.
முதல் இன்னிங்ஸில், அணித்தலைவர் நஜ்முல் ஹொசைன் சாண்டோ மற்றும் முஷ்ஃபிகுர் ரஹீம் ஆகிய இருவரும் சதமடிக்க, வங்கதேச அணி 10 விக்கெட் இழப்பிற்கு 495 என்னும் இமாலய ஓட்டத்தை குவித்துள்ளது.
தொடர்ந்து 2வது இன்னிங்ஸை தொடங்கிய இலங்கை அணி, 3வது நாள் ஆட்ட நேர முடிவில், 4 விக்கெட் இழப்பிற்கு 398 ஓட்டங்கள் குவித்துள்ளது.
பத்தும் நிசங்க
அதிகபட்சமாக தொடக்க ஆட்டக்காரர் பத்தும் நிசங்க, 187 ஓட்டங்கள் எடுத்து ஆட்டமிழந்துள்ளார்.
இதன் மூலம், நிசங்க தனது முந்தைய அதிகபட்ச ஓட்டங்களை முறியடித்துள்ளார்.
முன்னதாக இங்கிலாந்திற்கு எதிராக 127 ஓட்டங்கள் எடுத்ததே அவரின் அதிகபட்சமாக இருந்த நிலையில், தற்போது 187 ஓட்டங்கள் எடுத்து தனது சொந்த சாதனையை முறியடித்துள்ளார்.
மேலும், தனது 17வது டெஸ்ட் போட்டியில் விளையாடி வரும் நிசங்க, டெஸ்ட் போட்டியில் 1000 ஓட்டங்களை கடந்துள்ளார். 187 ஓட்டங்கள் எடுத்ததன் மூலம், டெஸ்ட் கிரிக்கெட்டில் 1,123 ஓட்டங்கள் எடுத்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
முல்லைத்தீவு, கொழும்பு, நல்லூர், மெல்போன், Australia
15 Jun, 2025
மாதகல், மாங்குளம், Amsterdam, Netherlands, Nuremberg, Germany
01 Jun, 2024
வல்வெட்டித்துறை, London, United Kingdom, Aylesbury, United Kingdom
13 Jun, 2025
