லங்காசிறி FM
கருணாநிதி குறித்து அவதூறு பேச்சு.., சீமான் மீது எடுக்கப்பட்ட நடவடிக்கை
முன்னாள் முதலமைச்சர் கருணாநிதி குறித்து அவதூறாக பேசியதாக நாம் தமிழர் கட்சி ஒருங்கிணைப்பாளர் சீமான் மீது வழக்குப்பதிவு செய்யப்பட்டுள்ளது.
சீமான் மீது வழக்குப்பதிவு
நாம் தமிழர் கட்சி ஒருங்கிணைப்பாளர் சீமான், கருணாநிதி குறித்து அவதூறாக பேசியிருந்தார். இந்த விவகாரம் பெரும் சர்ச்சையாக உருவெடுத்தது.
இது தொடர்பாக சீமான் மீது நடவடிக்கை எடுக்க வேண்டும் என்று கரூர் மாவட்டத்தைச் சேர்ந்த வழக்கறிஞர் ஒருவர் கரூர் மாவட்ட நீதிமன்றத்தில் மனு தாக்கல் செய்தார்.
இவரின் மனு மீதான விசாரணை நடைபெற்று வந்தது. இந்நிலையில், நாம் தமிழர் கட்சி ஒருங்கிணைப்பாளர் சீமான் மீது வழக்குப்பதிவு செய்து விசாரணை நடத்த உத்தரவிடப்பட்டது.
இதையடுத்து, அவதூறாக பேசுதல், இழிவுப்படுத்தும் வகையில் பேசுதல் போன்ற பிரிவுகளின் கீழ் தாந்தோணிமலை பொலிஸார் சீமான் மீது வழக்குப்பதிவு செய்துள்ளனர்.
இதன்படி, இந்த விவகாரம் தொடர்பாக சீமானிடம் விசாரணை நடத்தவுள்ளதாக தெரிகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
