ஷோரூமுக்குள் நுழைந்த பாம்பு... பலவித உணர்வுகளை ஏற்படுத்தும் ஒரு வீடியோ
தாய்லாந்தில் கார் ஷோரூம் ஒன்றிற்குள் எதிர்பாராவிதமாக ஒரு பாம்பு நுழைந்துவிட்டது.
அதைத் துரத்த அங்கிருந்தவர்கள் படும் பாடு ஒரு வீடியோவாக வெளியாகியுள்ளது.
மிகவும் வழவழப்பாக உள்ள அந்த ஷோரூமின் தரையில் பாம்பு படுவேகமான வழுக்கிச் செல்ல, அதைக் கண்டவர்கள் அதைத் துரத்த முயல, அந்த பாம்பு சிலரை நோக்கித் திரும்ப, அவர்கள் தப்பியோட முயல, ஒரு பக்கம் அந்த வீடியோவைப் பார்த்தால் சிரிப்பு வருகிறது.
இன்னொரு பக்கம், Sompong Jaion என்னும் சேல்ஸ்மேன் அந்த பாம்பை நாற்காலி ஒன்றைக் கொண்டு கடைக்கு வெளியே துரத்த முயல, அது நாற்காலியையே பின்னிக்கொள்ள, வேறு வழியில்லாமல் அவர் பின்வாங்கவேண்டியதாயிற்று. வேறொரு பெண் மாப் ஸ்டிக் ஒன்றின் உதவியடன் பாம்பைத் துரத்தும்போது அவரே வழுக்கி விழ, பாம்பு அவரை நோக்கித் திரும்ப, அவருக்கு மட்டுமல்ல, நமக்கும் திகில் ஏற்படுகிறது.
இதற்கிடையில், அந்த பாம்பை மும்முரமாக வீடியோ எடுத்துக்கொண்டிருந்த ஒரு இளம்பெண்னை நோக்கி அந்த பாம்பு திரும்ப, தப்பியோட முயன்ற அந்த பெண்ணும் வழுக்கி விழ, ஒரு பக்கம் சிரிப்பு வந்தாலும், மறுபக்கம் அந்த பாம்பு அவரைத் தாக்கிவிடுமோ என்ற அச்சம் ஏற்படுவதையும் மறுப்பதற்கில்லை.
கடைசியில் மீண்டும் Sompong Jaion அந்த பாம்பை மாப் ஸ்டிக் உதவியுடன் வெளியே துரத்திவிடுகிறார். நல்ல வேளையாக யாரையும் அந்த பாம்பு தீண்டவில்லை. கீழே விழுந்த அந்த பெண்ணுக்கு மட்டும் சிறு காயங்கள் ஏற்பட்டுள்ளனவாம்.