இலங்கை உட்பட பெருவெள்ளத்தில் சிக்கியுள்ள தென்கிழக்கு ஆசியா... 321 கடந்த இறப்பு எண்ணிக்கை

Sri Lanka Thailand Indonesia

By Arbin Nov 29, 2025 08:20 AM GMT

Arbin

in சர்வதேசம்

Report

தென்கிழக்கு ஆசியாவின் பெரும் பகுதிகளில் ஏற்பட்ட வெள்ளத்தில் சிக்கி மரணமடைந்தவர்களின் எண்ணிக்கை குறைந்தது 321 என உயர்ந்துள்ள நிலையில், சிக்கித் தவிக்கும் குடிமக்களை மீட்க அதிகாரிகள் தீவிரமாக பணியாற்றி வருகின்றனர்.

மோசமான பேரழிவு

இந்தோனேசியா, மலேசியா மற்றும் தாய்லாந்தின் பெரும்பகுதிகள் ஒரு வாரமாக சூறாவளியால் ஏற்பட்ட அடைமழையால் பாதிக்கப்பட்டுள்ளன. இதனிடையே Ditwah புயல் பேரழிவை ஏற்படுத்தி வருவதால், இலங்கை அதன் மிக மோசமான பேரழிவுகளில் ஒன்றை எதிர்கொள்கிறது.

இலங்கை உட்பட பெருவெள்ளத்தில் சிக்கியுள்ள தென்கிழக்கு ஆசியா... 321 கடந்த இறப்பு எண்ணிக்கை | Southeast Asia Flood Deaths Reach 321

வெள்ளம் மற்றும் நிலச்சரிவுகள் காரணமாக உள்கட்டமைப்புக்கு பெரும் சேதம் ஏற்பட்டுள்ளது. சனிக்கிழமை பகல் வெளியான தகவலின் அடிப்படையில், இதுவரை 69 பேர்கள் மரணமடைந்துள்ளதாகவும் 34 பேர்கள் மாயமாகியுள்ளதாகவும் தெரிவிக்கப்பட்டுள்ளது.

இந்தோனேசியாவின் சுமத்ரா தீவில் வெள்ளிக்கிழமை வரையில் 174 பேர்கள் வெள்ளம் மற்றும் நிலச்சரிவால் மரணமடைந்ததாக உறுதி செய்யப்பட்டது.

தற்போது மழை நின்றிருந்தும், 79 பேர்கள் இன்னும் காணவில்லை என்றும், ஆயிரக்கணக்கான குடும்பங்கள் இடம்பெயர்ந்துள்ளதாகவும் அதிகரிகள் தரப்பில் இருந்து தகவல் வெளியாகியுள்ளது.

எட்டு தெற்கு மாகாணங்களில்

சுமத்ரா தீவின் சில பகுதிகளில் தகவல் தொடர்பு துண்டிக்கப்பட்டுள்ளது, மேலும் நிலச்சரிவு குப்பைகளால் தடைபட்ட சாலைகளை சுத்தம் செய்யும் பணியில் அதிகாரிகள் ஈடுபட்டுள்ளனர்.

தாய்லாந்து அரசாங்கம் வெளியிட்டுள்ள தகவலில், எட்டு தெற்கு மாகாணங்களில் வெள்ளத்தால் 145 பேர் மரணமடைந்துள்ளதாகக் கூறியது. மொத்தம் 3.5 மில்லியனுக்கும் அதிகமான மக்கள் பாதிக்கப்பட்டுள்ளதாகவும் தெரிவித்துள்ளது.