சுயமரியாதை இருந்த சண்டைக்கு வாங்க - ஹர்பஜன் சிங்கிற்கு விஜய் போல் சவால் விட்ட ஸ்ரீசாந்த்

சுயமரியாதை இருந்த சண்டைக்கு வாங்க என துப்பாக்கி பட விஜய் போல் ஹர்பஜன் சிங்கிற்கு ஸ்ரீசாந்த் சவால் விடுத்துள்ளார்.

ஸ்ரீசாந்தை அறைந்த ஹர்பஜன் சிங்

2008 ஆம் ஆண்டு முதல் ஐபிஎல் தொடரில், மும்பை இந்தியன்ஸ் பஞ்சாப் அணிகளுக்கு இடையேயான போட்டியில் ஹர்பஜன் சிங், ஸ்ரீசாந்தை அறைந்த சம்பவம் கிரிக்கெட் உலகில் பெரும் அதிர்ச்சியை ஏற்படுத்தியது.  

ஸ்ரீசாந்த் அழுதுகொண்டே மைதானத்தில் நின்று கொண்டிருக்கும் காட்சி இன்றளவும் கிரிக்கெட் ரசிகர்களால் மறக்கமுடியாத ஒன்றாக உள்ளது. இதன் காரணமாக அந்த தொடரில் ஹர்பஜன் சிங் விளையாட தடை செய்யப்பட்டார்.

இந்த சம்பவத்திற்காக, ஸ்ரீசாந்த்திடம் பலமுறை மன்னிப்பு கேட்டுள்ளதாக தெரிவித்த ஹர்பஜன் சிங், ஸ்ரீசாந்த் மகளிடம் நான் பேச சென்ற போது, நீங்கள் என் அப்பாவை அடித்தவர் என கூறி என்னிடம் பேச மறுத்து விட்டார். அது என் இதயத்தை நொறுக்கியது" என கூறினார்.

17 ஆண்டுகளுக்கு பிறகு, கடந்த ஆண்டு ஸ்ரீசாந்தை ஹர்பஜன் சிங் அறைந்த வீடியோவை அப்போதைய ஐபிஎல் தலைவர் லலித் மோடி வெளியிட்டார். 

IPL founder and former chairman Lalit Modi has released the raw and unseen footage of the slapgate incident involving Harbhajan Singh & Sreesanth.#IPL pic.twitter.com/n0Jnfweaiq

— CricTracker (@Cricketracker) August 29, 2025

இந்நிலையில், அந்த அறைந்த விவகாரம் மீண்டும் சர்ச்சையை ஏற்படுத்தியுள்ளது.

அந்த Slapgate சம்பவத்தை பகடி செய்வது போல், ஸ்ரீசாந்த் மற்றும் ஹர்பஜன் சிங் பாக்சிங் உடையில் இருப்பது போன்ற விளம்பரம் ஒன்றில் ஹர்பஜன் சிங் நடித்திருந்தார். 

சுயமரியாதை இருந்த சண்டைக்கு வாங்க

சமீபத்தில் ஸ்ரீசாந்த் கலந்து கொண்ட நேர்காணல் ஒன்றில், அதனை காட்டி அதுகுறித்து கேட்டபோது,"இதே காட்சி, உங்களுக்கு தைரியம் இருக்கிறதா? என்னுடன் ரிங்கிற்குள் வர உனக்கு தைரியம் இருக்கிறதா? கையெழுத்திட்டு வர முடியுமா? நான் அவரிடம் கேட்கிறேன். 

தமிழன் பட பாணியில் நடைபெற்ற சம்பவம் - தமிழக அரசின் கடனை அடைக்க பணம் வழங்கிய வழக்கறிஞர்

என்னுடன் ரிங்கிற்குள் வர உனக்கு தைரியம் இருக்கிறதா? இதே கையுறைகளை அணிந்துகொண்டு? இது நடிப்பல்ல. நான் சிரிக்கிறேன். நீ சிரிக்கக்கூட இல்லை, என்ன செய்கிறீர்கள் என்று தெரியவில்லை. பார்க்கலாம். இது ஒரு பகிரங்க சவால்.

நான் தற்போது பியர் நக்கிள் ஃபைட் லீக்கில் இருக்கிறேன். பஜ்ஜி பா, நான் உங்களுக்கு சவால் விடுகிறேன். இந்த அறை விஷயத்திலும் என் மீதும் உங்களுக்கு இவ்வளவு பிரச்சினை இருந்து, நீங்கள் இவ்வளவு சம்பாதிக்கிறீர்கள் என்றால் என்னையும் சம்பாதிக்க விடுங்கள்.

களத்திற்கு வாருங்கள். என் இதயத்திலிருந்து உங்களை அழைக்கிறேன். உங்களுக்கு சுயமரியாதை இருந்தால், விளம்பரங்கள் மற்றும் அது போன்ற அனைத்தையும் செய்ய வேண்டாம். உண்மையாகவே, அனைத்து மலையாளிகளுக்காகவும், அனைத்து சர்தார்களுக்காகவும், தயவுசெய்து வாருங்கள். நான் காத்திருக்கிறேன்" என தெரிவித்துள்ளார்.

🚨 The Slapgate controversy heats up again!

Sreesanth has openly challenged Harbhajan, saying:

“If you have the courage, step into the boxing ring with me. Sign the papers and come. If the slap incident still bothers you, settle it in the ring. I’m waiting.” pic.twitter.com/zVeKSLunPz

— GP Singh (@GanpatSinghDew5) June 19, 2026

விஜய் அண்ணா தமிழ்நாட்டின் முதலமைச்சராகியுள்ளார் எனக்கூறிவிட்டு, துப்பாக்கி படத்தில் விஜய் வெயிட்டிங் என கூறுவது போல் ஸ்ரீசாந்த் Waiting Come எனக்கூறியுள்ளார்.