லங்காசிறி FM
பிரித்தானியாவில் பணி செய்ய பெருந்தொகை கொடுத்த இலங்கைத் தமிழர்கள்: உருவாகியுள்ள சிக்கல்
Balamanuvelan
in ஐக்கிய இராச்சியம்
பிரித்தானியாவில் பணி செய்வதற்காக பெரும்தொகை செலவு செய்து பிரித்தானியா வந்த இலங்கைத் தமிழர்கள் சிலர், தாங்கள் மோசடி ஒன்றில் சிக்கவைக்கப்பட்டதாக தெரிவித்துள்ளார்கள்.
முன்னர் சட்டவிரோதமாக படகுகள் மூலம் பிரித்தானியாவுக்கும் நுழைந்துவந்த புலம்பெயர்ந்தோரைக் கட்டுப்படுத்துவது தொடர்பில் பிரித்தானியா முயற்சிகள் எடுத்துவந்தது.
Credit:- news sky
தற்போது சட்டப்படி பிரித்தானியாவுக்கு வருபவர்களின் எண்ணிக்கையையும் கட்டுப்படுத்த விரும்புவதாக பிரித்தானிய பிரதமர் ரிஷி சமீபத்தில் தெரிவித்திருந்தார். இன்னொரு பக்கம், மாணவர்கள் தங்கள் குடும்பத்தினரை பிரித்தானியாவுக்கு அழைத்துவருவதற்கும் கட்டுப்பாடுகள் விதிக்கப்பட உள்ளன.
இந்நிலையில், வேறொரு வகையில் புலம்பெயர்வோர் பிரித்தானியாவுக்குள் நுழைவதைக் குறித்த விடயத்தை, பிரித்தானிய ஊடகங்கள் ஆதாரத்துடன் வெளிக்கொணர்ந்துள்ளன.
சட்டப்படி புலம்பெயர்வதிலும் மோசடி
சட்டப்படி பிரித்தானியாவுக்கு வரும் புலம்பெயர்வோர், மோசடி ஒன்றிற்கு உட்படுத்தப்பட்டுள்ள விவகாரத்தை பிரித்தானிய ஊடகங்கள் சில வெளிக்கொணர்ந்துள்ளதால், மேலும் சிக்கல் உருவாகக்கூடும் என்ற அச்சம் உருவாகியுள்ளது.
Credit:- news sky
ராதா என்னும் இலங்கைத் தமிழர், பல தலைமுறைகளாக இருந்த சொத்துக்களை விற்று, ஏஜண்ட் ஒருவருக்கு 50,000 பவுண்டுகள் செலுத்தி பிரித்தானியா வர தயாராகியுள்ளார்.
அவர் விமான நிலையத்திற்கு வந்த உடன், அந்த ஏஜண்ட் ஒரு பெண்ணை அவருடன் அனுப்பியுள்ளார். கூடவே ஹிந்துஜன் என்னும் ஒரு பையனும் அனுப்பப்பட்டுள்ளான். அந்த ஏஜண்ட் ராதாவிடம், இந்தப் பெண்ணை உங்கள் மனைவி என்றும், இந்தப் பையனை உங்கள் மகன் என்றும் கூறவேண்டும் என்று வற்புறுத்தியுள்ளார்.
Credit:- news sky
மறுத்தால் பிரச்சினைகளை சந்திக்க நேரிடும் என மிரட்டப்பட, விமானம் ஏறும் நேரமும் நெருங்க, வேறு வழியில்லாமல், யாரோ ஒரு பெண் மற்றும் பையனை, தன் குடும்பம் என்று கூறி அவர்களுடன் தான் பயணிக்க நேர்ந்ததாக ராதா தெரிவித்துள்ளார்.
மோசடி வெளியானதால் சிக்கல்
இதேபோல பலர், தங்களுக்கு உடன்பாடு இல்லாத நிலையிலும், வேறு சிலரை தங்கள் குடும்பத்தினர் என்று கூறி பிரித்தானியாவுக்கு அழைத்துவந்துள்ளார்கள். தங்களுக்குத் தெரியாமலே தாங்கள் கடத்தல்காரர்களாக செயல்பட வைக்கப்பட்டுள்ளதாக அவர்கள் தெரிவித்துள்ளார்கள்.
Credit:- news sky
பிரித்தானியா தனது பணியாளர் பற்றாக்குறையை எதிர்கொள்வதற்காக அறிமுகம் செய்த திறன்மிகுப் பணியாளர் விசாவைப் பயன்படுத்தி சிலர் புலம்பெயர்வோரை பிரித்தானியாவுக்குள் அனுப்புவது தெரியவந்துள்ளதால், சட்டப்படி புலம்பெயர்வோருக்கும் இனி சிக்கல்கள் உருவாகலாம்.
Credit:- news sky
பிரித்தானிய ஊடகங்களும், இப்படி சட்டப்படியான விசாவைப் பயன்படுத்தி மோசடி செய்து புலம்பெயர்வோரை பிரித்தானியாவுக்கு அனுப்பும் கும்பல்கள் குறித்து தீவிரமாக செய்தி சேகரிக்கும் முயற்சியில் இறங்கியுள்ளதால், கட்டுப்பாடுகள் மேலும் கடினமாகலாம் என்னும் அச்சம் உருவாகியுள்ளது.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
