டிட்வா புயல் பாதிப்பு - நன்கொடை வழங்கும் இலங்கை கிரிக்கெட் வீரர்கள்

டிட்வா புயல் பாதிப்புக்கு நன்கொடை வழங்கும் இலங்கை கிரிக்கெட் அணி தீர்மானித்துள்ளது.

டிட்வா புயலால் இலங்கை பாதிப்பு

வங்கக்கடலில் உருவான டிட்வா புயலால் இலங்கை கடுமையாக பாதிக்கப்பட்டுள்ளது. 

வெள்ளம் மற்றும் நிலச்சரிவு காரணமாக உயிரிழந்தவர்களின் எண்ணிக்கை 123 ஆக உயர்ந்துள்ளது.

130 பேரைக் காணவில்லை, 600க்கும் அதிகமான வீடுகள் சேதம் அடைந்துள்ளது. 

ஆபரேஷன் Sagar Bandhu... இலங்கைக்கு நிவாரணப் பொருட்களை அனுப்பிய இந்தியா

102,877 குடும்பங்களைச் சேர்ந்த மொத்தம் 373,428 பேர் பாதிக்கப்பட்டுள்ளதாகவும், வெள்ளம் பாதித்த பகுதிகளில் மீட்புப் பணிகளுக்காக 20,500 ராணுவ வீரர்கள் களமிறக்கப்பட்டுள்ளனர். 

வெள்ளம் பாதித்த பகுதிகளில் இருந்த 43,925 பேர், 488 பாதுகாப்பு மையங்களுக்கு மாற்றப்பட்டுள்ளனர். 

ஆபரேஷன் சாகர் பந்து என்ற பெயரில், இந்திய அரசு சார்பில் அத்தியாவசிய உணவுப் பொருட்கள் மற்றும் சுகாதாரப் பொருட்கள் அனுப்பி வைக்கப்பட்டுள்ளது.

இலங்கை கிரிக்கெட் அணி உதவி

இந்நிலையில், இலங்கை கிரிக்கெட் வீரர்கள் டிட்வா புயல் பாதிப்பிற்கு நன்கொடை வழங்க முன்வந்துள்ளனர். 

பாகிஸ்தானில் நடைபெற்று வரும் முத்தரப்பு தொடர் மூலம் பெறப்பட்ட சுற்றுப் பயணத்திற்கான பணம் மற்றும் போட்டிக் கட்டணங்களை நன்கொடையாக வழங்க இலங்கை கிரிக்கெட் அணி தீர்மானித்துள்ளது. 

புரட்டி எடுக்கும் டிட்வா புயல் - நிவாரண முகாமாக மாறும் கிரிக்கெட் மைதானம்

இது குறித்து கருத்து தெரிவித்துள்ள இலங்கை அணியின் பயிற்சியாளர் சனத் ஜெயசூரிய, "வெள்ளம் மற்றும் நிலச்சரிவுகளால் பாதிக்கப்பட்ட சக இலங்கையர்களை நினைத்து வீரர்கள் மற்றும் துணை ஊழியர்கள் வருத்தமடைந்துள்ளனர். 

The players and support staff are saddened by the devastating floods and landslides affecting our fellow Sri Lankans. As a team, our hearts go out to all those impacted, and we have decided to donate the tour money and match fees from the Pakistan series to support those affected pic.twitter.com/VV6FG0b0Eo

— Sanath Jayasuriya (@Sanath07) November 28, 2025

ஒரு அணியாக, பாதிக்கப்பட்ட அனைவருக்கும் எங்கள் இதயங்கள் அஞ்சலி செலுத்துகின்றன. மேலும் பாகிஸ்தான் தொடரின் சுற்றுப்பயணப் பணத்தையும் போட்டிக் கட்டணத்தையும் பாதிக்கப்பட்டவர்களுக்கு நன்கொடையாக வழங்க முடிவு செய்துள்ளோம்.

நாங்கள் நாடு திரும்பியதும் இன்னும் அதிகமாக செய்ய உள்ளோம். இந்த கடினமான நேரத்தில் பாதுகாப்பாக இருங்கள், வழிகாட்டுதல்களைப் பின்பற்றுங்கள், ஒருவருக்கொருவர் கவனித்துக் கொள்ளுங்கள். அனைத்து இலங்கையர்களுடனும் ஒன்றாக நில்லுங்கள்." என தெரிவித்துள்ளார்.