லங்காசிறி FM
மக்கள் நீதி மய்யத்தின் தேர்தல் அறிக்கையை காப்பி அடித்த ஸ்டாலின்? மகிழ்ச்சி என கமல் பதிவு
திமுக தலைவர் ஸ்டாலின் கமலின் தேர்தல் அறிக்கையை காப்படி அடித்துவிட்டதாக கூறி சமூகவலைத்தளங்களில் மீம்ஸ்கள் வைரலாகி வரும் நிலையில், இதை அறிந்த கமல் மகிழ்ச்சி என்று தன்னுடைய டுவிட்டர் பக்கத்தில் குறிப்பிட்டுள்ளார்.
தமிழகத்தில் சட்டமன்ற தேர்தலுக்கான வேலைகளில் அனைத்து கட்சிகளும் இறங்கிவிட்டன. குறிப்பாக திமுக, அதிமுக, நாம் தமிழர் கட்சி, பாஜக போன்ற கட்சிகளில் வேட்பாளர்களின் பட்டியல் வெளியாகிவிட்டது.
இந்நிலையில், இந்த சட்டமன்ற தேர்தலில் மாபெரும் கட்சியாக இருப்போம் என்று கூறி, கமலின் மக்கள் நீதி மய்யம் கூறி வருகிறது. அக்கட்சியும் 234 தொகுதிகளில் போட்டியிடுகிறது.
தேர்தல் அறிக்கைகளையும் வெளியிட்டுள்ளது.
இந்நிலையில், நேற்று திமுக தலைவர் ஸ்டாலின் தலைமையில், விடியலுக்கான முழக்கம் என்ற பெயரில் திமுகவின் பிரம்மாண்ட தேர்தல் சிறப்புப் பொதுக்கூட்டம் திருச்சி - சென்னை பைபாஸ் சாலையில் சிறுகனூரில் நடைபெற்றது.
இதில், அவர் குடும்பத்த தலைவிகளுக்கு மாதந்தோறும் 1000 ரூபாய், மனிதக் கழிவுகளை மனிதரே அகற்றும் இழிவு முற்றிலுமாக ஒழிக்கப்படும் போன்ற பல திட்டங்களை அறிவித்தார். இதை அவர் ஸ்டாலினின் 7 உறுதி மொழிகள் என்று குறிப்பிட்டிருந்தார்,
இதைக் கண்ட மக்கள் நீதி மய்யம் கட்சியினர், திமுகவின் தேர்தல் அறிக்கைகள் பல அப்படியே நாம் தமிழர் கட்சியின் தேர்தல் அறிக்கையை காப்பி அடித்தது போன்று உள்ளது என்று குறிப்பிட்டு வருகின்றனர்.
கமல்ஹாசனும், தன்னுடைய டுவிட்டர் பக்கத்தில், எங்கள் தேர்தல் அறிக்கையின் சிறப்பம்சங்கள் அனைத்தையும் பிரதியெடுத்துக் கொண்ட கழகம் எங்கள் நேர்மையையும், தூய்மையையும் கைக்கொண்டால் மகிழ்வேன் என்று குறிப்பிட்டுள்ளார்.
"இல்லத்தரசிகளுக்கு ஊதியம், நான் தரேன் ஆயிரம்ன்னு இன்னைக்கு சொல்லிருக்காரு" - தலைவர் திரு. கமல் ஹாசன் அவர்கள்.
— Makkal Needhi Maiam | மக்கள் நீதி மய்யம் (@maiamofficial) March 7, 2021
துறைமுகம் | 07.03.2021 #நம்ம_சின்னம்_டார்ச்_லைட்#தமிழகம்_விற்பனைக்கு_அல்ல#சீரமைப்போம்_தமிழகத்தை pic.twitter.com/v8ibObF9dv
எங்கள் தேர்தல் அறிக்கையின் சிறப்பம்சங்கள் அனைத்தையும் பிரதியெடுத்துக் கொண்ட கழகம் எங்கள் நேர்மையையும், தூய்மையையும் கைக்கொண்டால் மகிழ்வேன்.
— Kamal Haasan (@ikamalhaasan) March 8, 2021
புங்குடுதீவு 7ம் வட்டாரம், London, United Kingdom
30 Jun, 2012
