லங்காசிறி FM
வரலாற்றில் இடம்பிடித்த சர் கெய்ர் ஸ்டார்மரின் அமைச்சரவை: விரிவான பின்னணி
நீண்ட 14 ஆண்டுகளுக்கு பிறகு ஆட்சியை கைப்பற்றியுள்ள லேபர் கட்சியின் புதிய அமைச்சரவையில், வரலாற்ரிலேயே முதல்முறையாக அதிக எண்ணிக்கையிலான பெண் அமைச்சர்கள் இடம் பெற்றுள்ளனர்.
நாட்டின் நிதியமைச்சராக பெண்
ஜூலை 5ம் திகதி சர் கெய்ர் ஸ்டார்மர் தலைமையிலான லேபர் கட்சி, 412 ஆசனங்களை வென்று மிருக பலத்துடன் ஆட்சிக்கு வந்துள்ளது. அத்துடன் 800 ஆண்டுகளுக்கு பின்னர் நாட்டின் நிதியமைச்சராக பெண் ஒருவரை நியமித்து வரலாற்றில் இடம்பிடித்து:ள்ளது.
ஆனால் பூர்வக்குடி மக்களின் பங்களிப்பு சரிவடைந்துள்ளதாக கூறப்படுகிறது. இருப்பினும் சாதனை எண்ணிக்கையில் 89 சிறுபான்மை பூர்வக்குடி இன எம்.பி.க்கள் மொத்தமாக நாடாளுமன்றத்திற்கு தெரிவாகியுள்ளனர்.
ஆனால் வெளிவிவகார அமைச்சராக தெரிவாகியுள்ள David Lammy என்பவர் மட்டுமே ஸ்டார்மர் அமைச்சரவையில் கருப்பின நபர். மட்டுமின்றி, 14 ஆண்டுகளில் முதல் லேபர் கட்சி அமைச்சரவையில் ஆசிய வம்சாவளியைச் சேர்ந்த இரண்டு அமைச்சர்கள் மட்டுமே இடம்பெற்றுள்ளனர்.
ஒருவர் Shabana Mahmood, இவர் பிரித்தானியாவின் முதல் இஸ்லாமிய பெண் நாடாளுமன்ற உறுப்பினர். இன்னொருவர் இந்தியாவின் மேற்குவங்கத்தில் பிறந்த தீபக் நந்தியின் மகளான லிசா நந்தி.
ஸ்டார்மர் அமைச்சரவையில் இடம்பெற்றுள்ள இரு அமைச்சர்கள் மட்டுமே தனியார் பாடசாலையில் கல்வி பயின்றுள்ளனர். ஷெஃபீல்ட் உயர்நிலைப் பள்ளியில் Louise Haigh கல்வி பயின்றுள்ளார். Anneliese Dodds என்பவர் அபெர்தீன் பகுதியில் அமைந்துள்ள ராபர்ட் கார்டன் கல்லூரியில் கல்வி பயின்றுள்ளார்.
முதல் கருப்பின பெண் நாடாளுமன்ற உறுப்பினர்
தற்போது பிரித்தானிய நாடாளுமன்றத்தின் கீழ் சபையில் 40 சதவிகிதத்தினர் பெண்கள் என்றே தெரியவருகிறது. இதில் 46 சதவிகிதம் லேபர் கட்சியினர், 24 சதவிகிதம் கனசர்வேட்டிவ் கட்சியினர்.
மேலும், நாடாளுமன்றத்தின் சரிபாதிக்கும் மேல் உறுப்பினர்கள், அதாவது 334 உறுப்பினர்கள் அவைக்கு புதியவர்கள் என்றே கூறப்படுகிறது.
புதிய நாடாளுமன்றத்தில் mother of the house என்ற பொறுப்புக்கு பிரித்தானியாவின் முதல் கருப்பின பெண் நாடாளுமன்ற உறுப்பினரும் லேபர் கட்சியின் நீண்ட கால நாடாளுமன்ற உறுப்பினருமான Diane Abbott தெரிவாகியுள்ளார்.
முன்னாள் சிறார் செஸ் சேம்பியனான Rachel Reeves நீண்ட 800 ஆண்டுகளுக்கு பின்னர், பிரித்தானியாவின் முதல் பெண் நிதியமைச்சராக தெரிவாகியுள்ளார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
