லங்காசிறி FM
ஸ்டீபன் பிளெம்மிங் இங்கிலாந்தின் பயிற்சியாளர்: புதிய டெஸ்ட் கேப்டனும் நியமனம்
இங்கிலாந்து டெஸ்ட் அணியின் பயிற்சியாளராக ஸ்டீபன் பிளெம்மிங் மற்றும் அணித்தலைவராக ஜோ ரூட் ஆகியோர் நியமிக்கப்பட்டுள்ளனர்.
ஸ்டீபன் பிளெம்மிங்
சென்னை சூப்பர் கிங்ஸ் அணியின் பயிற்சியாளராக நீண்ட காலமாக பணியாற்றிய ஸ்டீபன் பிளெம்மிங் (Stephen Fleming) சமீபத்தில் அதிலிருந்து வெளியேறினார்.
இந்த நிலையில், ஸ்டீபன் பிளெம்மிங் இங்கிலாந்து டெஸ்ட் அணியின் புதிய பயிற்சியாளராக நியமிக்கப்பட்டுள்ளார்.
இதுகுறித்து பேசிய பிளெம்மிங், "இங்கிலாந்து அணியின் டெஸ்ட் பயிற்சியாளராக இணைவதில் நான் மிகுந்த உற்சாகம் அடைகிறேன். இது உலக கிரிக்கெட்டில் மிகவும் மதிப்புமிக்க பயிற்சியாளர் பதவிக்கு நியமிக்கப்பட்டதை நான் பெருமையாகக் கருதுகிறேன்" என தெரிவித்தார்.
ஜோ ரூட்
அதேபோல் டெஸ்ட் அணித்தலைவராக ஜோ ரூட் (Joe Root) மீண்டும் நியமிக்கப்பட்டுள்ளார். அவர் கூறும்போது,
'இங்கிலாந்து ஆடவர் டெஸ்ட் அணியின் கேப்டனாக மீண்டும் செயல்படுமாறு கேட்டுக்கொள்ளப்பட்டது எனக்குக் கிடைத்த பெரும் கௌரவமும், பாக்கியமும் ஆகும்.
டெஸ்ட் அணியின் கேப்டன் பதவி என்பது சவாலானது என்றாலும், மிகுந்த மனநிறைவைத் தரக்கூடிய ஒன்றாகும்; கடந்த மாதம் மெக்கல்லமுடன் இணைந்து பணியாற்றியதன் மூலம் அந்தப் பொறுப்பை மீண்டும் ஒருமுறை சுவைத்த பிறகு, அடுத்த தலைமுறை வீரர்களை வழிநடத்தி செல்ல நான் மிகுந்த ஆர்வத்துடன் உள்ளேன்' என்றார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
