பிரித்தானியாவில் பீதியை அதிகரிக்கும் சிறார் இறப்பு எண்ணிக்கை: கவனிக்க வேண்டிய 4 அறிகுறிகள்

பிரித்தானிய பெற்றோர்களுக்கு அதிர்ச்சியை ஏற்படுத்தும் வகையில், Strep A பாதிப்பால் இதுவரை 15 சிறார்கள் சிகிச்சை பலனின்றி இறந்துள்ளதாக பகீர் தகவல் வெளியாகியுள்ளது.

அதிகமான சிறார்கள் பாதிப்பு

நோய்த்தொற்றின் தீவிரம் அதிகரித்து இருப்பதாக நிபுணர்கள் எச்சரித்துள்ள நிலையில், வெளியான எண்ணிக்கையை விட அதிகமான சிறார்கள் பாதிக்கப்பட்டிருக்கலாம் என கூறப்படுகிறது.

Credit: Gofundme

பிரித்தானிய சுகாதார அமைப்பு வெளியிட்டுள்ள தகவலில், செப்டம்பர் 12 முதல் நவம்பர் 28 வரையில் 15 சிறார்கள் Strep A பாதிப்பால் சிகிச்சை பலனின்றி இறந்துள்ளதாக குறிப்பிட்டுள்ளது.

பெல்ஃபாஸ்ட், வடக்கு அயர்லாந்தில் ஒரு குழந்தை சிகிச்சை பலனின்றி இறந்துள்ளது. வேல்ஸ் பகுதியில் ஒரு குழந்தை இறந்துள்ளதாகவும் தகவல் வெளியாகியுள்ளது.

Streptococcus pyogenes எனப்படும் Strep A தொற்றானது மிக லேசான அறிகுறிகளுடன் அடையாளம் காணப்படுகிறது. தொண்டை வலி, தோல் தொற்றுகள் என அடையாளம் காணப்பட்டு,

Image: GoFundMe

ஆபத்தில் முடியலாம் மருத்துவர்கள் எச்சரிக்கை

பின்னர் ஸ்கார்லெட் காய்ச்சலும் இருக்கும் எனவும், துரிதமாக செயல்பட்டு, சிகிச்சை முன்னெடுக்க தவறினால் ஆபத்தில் முடியலாம் எனவும் மருத்துவர்கள் எச்சரிக்கை விடுத்துள்ளனர்.

2017 மற்றும் 2018 காலகட்டத்தில் Strep A தொற்று பாதிப்பால் பிரித்தானியாவில் 27 சிறார்கள் உட்பட மொத்தம் 355 பேர்கள் இறந்துள்ளதாக தெரியவந்துள்ளது. மேலும், 431 பேர்களுக்கு அப்போது பாதிப்பு உறுதி செய்யப்பட்டு, சிகிச்சை எடுத்துக்கொண்டுள்ளனர்.

Strep A தொற்றால் மொத்தம் 60 பேர்கள் இறப்பு

ஆனால் தற்போது இதுவரை 169 சிறார்களுக்கு Strep A பாதிப்பு உறுதி செய்யப்பட்டுள்ளது. மேலும், கடந்த முறையைவிட தற்போது பாதிக்கப்பட்டவர்கள் எண்ணிக்கை அதிகரித்து காணப்படுவதாகவும், செப்டம்பர் 12 க்கு பின்னர், Strep A தொற்றால் பாதிக்கப்பட்டு மொத்தம் 60 பேர்கள் இறந்துள்ளதாகவும் இதில் 15 சிறார்கள் எனவும் தெரிவிக்கப்பட்டுள்ளது.

இதில் 13 சிறார்கள் 18 வயதுக்கு உட்பட்டவர் ஆவார்கள். Strep A தொற்றின் அறிகுறி தொடர்பில் பல பெற்றோர்களும் தற்போது தங்கள் அனுபவங்களை பகிர்ந்து வருவதுடன் எச்சரிக்கையும் விடுத்துள்ளனர்.

காய்ச்சல் 38°C மேல் இருக்கும் எனவும், கடுமையான உடல் வலி, தொண்டை வலி மற்றும் தொடக்க அறிகுறிகள் காணப்பட்ட 12ல் இருந்து 48 மணி நேரத்தில் உடல் முழுவதும் சிறாய்ப்புகள் அல்லது தடிப்புகள் காணப்படும் எனவும் நாக்கு வெள்ளை நிறத்திற்கு மாறும் எனவும் குறிப்பிட்டுள்ளனர்.