லங்காசிறி FM
நிரம்பும் சிறைகள்... கைதிகளை வெளிநாடுகளுக்கு அனுப்பும் ஐரோப்பிய நாடொன்று
சுவீடன் நாடு குற்றவாளிகளை வெளிநாடுகளில் உள்ள சிறைகளில் தண்டனை அனுபவிக்க அனுப்ப முடியும் என்று அரசாங்கத்தால் நியமிக்கப்பட்ட ஆணையம் ஒன்று பரிந்துரைத்துள்ளது.
மற்ற நாடுகளுடன்
ஸ்வீடனில் குழுக்களால் ஏற்படும் குற்ற நடவடிக்கைகள் எப்போதும் இல்லாத அளவுக்கு அதிகரித்துள்ளதுடன், இதனால் கைதிகளின் எண்ணிக்கை அதிகரித்து அதைக் கையாள ஸ்வீடன் போராடி வருகிறது.
இந்த நிலையில், சிறைச்சாலை மற்றும் நன்னடத்தை சேவைக்குள் புதிய தீர்வுகளுடன் பணியாற்ற வேண்டிய அவசியம் ஏற்பட்டுள்ளது என்று நீதித்துறை அமைச்சர் கன்னர் ஸ்ட்ரோமர் செய்தியாளர் சந்திப்பின் போது தெரிவித்துள்ளார்.
அத்துடன், ஸ்வீடன் ஏற்கனவே மற்ற நாடுகளுடன் தங்கள் சிறைகளில் இடத்தை வாடகைக்கு எடுப்பது குறித்து பேச்சுவார்த்தை நடத்தி வருவதாகவும் குறிப்பிட்டுள்ளார். கடந்த இரண்டு தசாப்தங்களாக அதிகரித்து வரும் குழுக்களால் ஏற்பட்டுள்ள குற்றங்களால் ஸ்வீடன் கடுமையாக பாதிக்கப்பட்டுள்ளது,
மேலும் ஐரோப்பாவில் தனிநபர் துப்பாக்கி வன்முறையின் தரவரிசையில் ஸ்வீடன் முதலிடத்தில் உள்ளது. இதனால் புதிய சட்டங்கள், அதிகரித்த பொலிஸ் அதிகாரிகள் மற்றும் நிதியுதவியுடன், ஸ்வீடன் காவல்துறை குழுக்களுக்கு எதிராக நடவடிக்கைகளை தீவிரப்படுத்தியுள்ளது.
இது இருமடங்காக
இதனால் கடந்த இரண்டு ஆண்டுகளில் குறைவான கொடிய வன்முறைச் சம்பவங்களும், அதிக எண்ணிக்கையில் தண்டனைகளும் ஏற்பட்டுள்ளன. இந்த மாற்றம் வரவேற்கப்பட்டது என்றாலும் சிறை அமைப்புகளை கடுமையாக பாதிப்புக்கு உள்ளாக்கியது.
வெளியான தரவுகளின் அடிப்படையில், 2023ல், ஸ்வீடன் நீதிமன்றங்கள் மொத்தம் 200,000 மாதங்களுக்கும் குறைவான சிறைத்தண்டனைகளை விதித்துள்ளன. ஆனால் 2022 ஆம் ஆண்டினை ஒப்பிடுகையில் இது 25 சதவிகிதம் அதிகம் என்றும் 2014 ஆம் ஆண்டினை ஒப்பிடுகையில் இது இருமடங்காக உயர்ந்துள்ளது.
ஸ்வீடனின் சிறைச்சாலைகள் மற்றும் தடுப்புக் காவல் மையங்கள் தற்போது நிரம்பியுள்ளன, மேலும் 2033 ஆம் ஆண்டுக்குள் சுமார் 27,000 படுக்கைகள் தேவைப்படும் என்று சிறைச்சாலை மற்றும் நன்னடத்தை சேவை கூறுகிறது, இந்த எண்ணிக்கை தற்போது 11,000 ஆக உள்ளது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015