லங்காசிறி FM
சுவிஸ் எல்லைக் கட்டுப்பாடுகள் துவக்கம்: பயணிகளுக்கு ஏற்படவிருக்கும் பாதிப்பு
பிரான்சில், இம்மாதம், அதாவது, ஜூன் மாதம் 15ஆம் திகதி முதல், 17ஆம் திகதி வரை G7 உச்சி மாநாடு நடைபெற உள்ளது.
ஆகவே, பிரான்சுடனான சுவிஸ் எல்லைகளில் இன்று முதல் கட்டுப்பாடுகள் அமுல்படுத்தப்படுகின்றன.
சுவிஸ் எல்லைக் கட்டுப்பாடுகள் துவக்கம்
பிரான்சின் Evian-les-Bains நகரில், இம்மாதம், அதாவது, ஜூன் மாதம் 15ஆம் திகதி முதல், 17ஆம் திகதி வரை G7 உச்சி மாநாடு நடைபெற உள்ளது.
மாநாட்டில், அமெரிக்க ஜனாதிபதி ட்ரம்ப் உட்பட பல நாடுகளின் தலைவர்கள் கலந்துகொள்ள இருக்கிறார்கள்.
விடயம் என்னவென்றால், 2003ஆம் ஆண்டு, பிரான்சின் இதே Evian-les-Bains நகரில் G8 உச்சி மாநாடு நடைபெற்றது.
மாநாட்டுக்கு முந்தைய இரவு, உலகமயமாக்கலுக்கு எதிரான அமைப்பொன்றைச் சேர்ந்த சிலர் ஜெனீவாவில் ஆர்ப்பாட்டங்களில் ஈடுபட்டார்கள்.
ஆர்ப்பாட்டமாக துவங்கிய விடயம், சூறையாடலில் முடிந்தது. ஆடம்பர பொருட்கள் விற்பனை நிலையங்கள், கடைகள் என அனைத்தையும் நொறுக்கிய ஒரு கூட்டம் பொருட்களை சூறையாடியது.
ஆக, இம்முறையும் அதேபோல் அசம்பாவிதம் எதுவும் நடந்துவிடக்கூடாது என்பதில் சுவிஸ் அரசு உறுதியாக உள்ளது.
ஆகவே, மாநாடு நடைபெறும் Evian-les-Bains நகரை ஒட்டியுள்ள ஜெனீவா மாகாணத்தின் எல்லைகளில் சுமார் 30 எல்லைகள் இன்று முதல் மூடப்படுகின்றன.
ஜெனீவாவுக்கும் பிரான்சுக்கும் இடையில் ஏழு இடங்களில் மட்டுமே எல்லை வழியாக மக்கள் அனுமதிக்கப்படுவார்கள்.
பயணிகளுக்கு ஏற்படவிருக்கும் பாதிப்பு
விடயம் என்னவென்றால், தினமும் சுமார் 150,000 பேர் பணிக்குச் செல்வதற்காக ஜெனீவா பிரான்ஸ் எல்லையைக் கடக்கிறார்கள்.
ஆகவே, எல்லைக் கட்டுப்பாடுகள் துவக்கப்படுவதைத் தொடந்து, எல்லைகளிலுள்ள சோதனைச்சாவடிகளில் மக்கள் இனி நீண்ட வரிசைகளில் காத்திருக்க நேரிடலாம்.
அது மட்டுமின்றி, விமான நிலையங்களிலும் பாதுகாப்பு அதிகரிக்கப்படுவதால், விமான நிலையங்களிலும் பயணிகள் தாமதத்தை எதிர்கொள்ள நேரிடலாம். மேலும், ஜெனீவா பொதுப்போக்குவரத்திலும் மாற்றங்கள் செய்யப்படுகின்றன.
எல்லை கடந்து செல்லும் இரண்டு பேருந்துகள் ரத்து செய்யப்படுகின்றன, ஏழு பாதைகளில் மாற்றங்கள் செய்யப்பட உள்ளன.
ஆக மொத்தத்தில், பிரான்ஸ் உச்சி மாநாடு காரணமாக எல்லை கடந்து பயணிக்கும் பயணிகள் கடும் அவதிக்குள்ளாக இருக்கிறார்கள்!
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தம்பிலுவில், இணுவில் மேற்கு, Kenton, United Kingdom, இணுவில் கிழக்கு
06 Jun, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
