லங்காசிறி FM
T20 உலகக் கோப்பை: அவுஸ்திரேலிவை அலறவிட்ட ரோஹித்., அரையிறுதிக்கு முன்னேறிய இந்தியா!
Ragavan
in கிரிக்கெட்
இந்திய அணி தனது கடைசி சூப்பர்-8 ஆட்டத்தில் அவுஸ்திரேலியாவை 24 ஓட்டங்கள் வித்தியாசத்தில் வீழ்த்தியது.
இந்த வெற்றியின் மூலம் இந்திய அணி டி20 உலகக் கோப்பை அரையிறுதிக்கு முன்னேறியுள்ளது.
இந்திய அணி 5வது முறையாக இந்த போட்டியில் டாப்-4க்கு முன்னேறியுள்ளது.
மேற்கிந்தியத் தீவுகளில் உள்ள செயின்ட் லூசியாவில் நடைபெற்ற இப்போட்டியில் நாணயசுழற்சியை வென்ற அவுஸ்திரேலியா பந்துவீச்சைத் தேர்வு செய்தது.
ரோகித் சர்மா மிரட்டல்
முதலில் களமிறங்கிய இந்திய கேப்டன் ரோகித் சர்மா 92 ஓட்டங்களில் ஆட்டமிழந்தார்.
டி20 உலகக் கோப்பையில் அதிவேக அரை சதம் அடித்தாலும், அதிவேக சதம் அடிப்பதை தவறவிட்டார்.
அவர் 41 பந்துகளில் 92 ஓட்டங்கள் எடுத்தார். 7 பவுண்டரிகள் மற்றும் 8 சிக்ஸர்கள் அடித்து 224 ஸ்டிரைக் ரேட்டில் துடுப்பாடினார். ஒரு சமயம் அவரது ஸ்ட்ரைக் ரேட் 300ஐ எட்டியிருந்தது குறிப்பிடத்தக்கது.
பின்னர் சூர்யகுமார் (31), ஷிவம் துபே (28), ஹர்திக் பாண்டியா (27) ஆகியோர் அணியின் எண்ணிக்கையை 205க்கு கொண்டு சென்றனர்.
இப்போட்டியின் மூலம், இந்த டி20 உலகக் கோப்பையில் இந்திய அணி முதன்முறையாக 200+ ஓட்டங்கள் எடுத்துள்ளது.
அவுஸ்திரேலியா தரப்பில் ஜோஷ் ஹேசில்வுட் 4 ஓவர்களில் 14 ஓட்டங்கள் மட்டுமே கொடுத்து ஒரு விக்கெட்டை வீழ்த்தினார். ஹேசில்வுட் தவிர, ஒவ்வொரு பந்து வீச்சாளரும் தனது ஓவரில் 10 ஒட்டகளுக்கு மேல் கொடுத்தனர்.
ஓட்டக்குவிப்பில் அவுஸ்திரேலிய அணி 13 ஓவரில் 2 விக்கெட்டுக்கு 128 ஓட்டங்கள் எடுத்திருந்தது. அதன்பின் கடைசி 7 ஓவர்களில் இந்திய பந்துவீச்சாளர்கள் அபாரமாக மீண்டு வந்து அவுஸ்திரேலிய அணியை 20 ஓவரில் 7 விக்கெட்டுகளை வீழ்த்தில் 181 ஓட்டங்களில் முடித்து வைத்தனர்.
டிம் டேவிட், மேத்யூ வேட் மற்றும் டேவிட் வார்னர் ஆகியோரின் விக்கெட்டுகளை அர்ஷ்தீப் சிங் கைப்பற்ற, குல்தீப் யாதவ் கிளென் மேக்ஸ்வெல் மற்றும் மிட்செல் மார்ஷ் ஆகியோரை பெவிலியன் அனுப்பினார்.
பும்ரா டிராவிஸ் ஹெட் (76) விக்கெட்டை வீழ்த்தி போட்டியை இந்தியாவுக்கு சாதகமாக மாற்றினார். ஹெட் 43 பந்துகளில் 76 ஓட்டங்கள் எடுத்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை மேற்கு, வரக்காப்பொல, கிருலப்பனை, பரிஸ், France, Scarborough, Canada
26 Jun, 2024
