F-16 Viper போர் விமானங்களை வாங்கிய தைவான் - சீனாவை எதிர்கொள்ள புதிய நம்பிக்கை

Taiwan first two F-16 Viper fighter jets: தைவான், அமெரிக்காவிடமிருந்து புதிய F-16 Viper விமானங்களை பெற்றுள்ளது.

முதல் இரண்டு F-16 Viper போர் விமானங்கள்

தைவான், அமெரிக்காவிடமிருந்து இரண்டு F-16 Viper Block 70 போர் விமானங்களை முதல்கட்டமாக பெற்றுள்ளது.

சீனாவின் J-20 மற்றும் J-35 ஸ்டெல்த் ஜெட்களை எதிர்கொள்ளும் திறன் இந்த F-16 Viper போர் விமானங்களுக்கு உள்ளது என தைவான் நிபுணர்கள் நம்பிக்கை தெரிவித்துள்ளனர்.

66 விமானங்களை வழங்க ஒப்புதல்

2019-இல் அமெரிக்கா, தைவானுக்கு 66 F-16 Block 70/72 விமானங்களை வழங்க ஒப்புதல் அளித்தது. COVID-19 மற்றும் உற்பத்தி தாமதங்களால் விநியோகம் தள்ளிப்போனது.

தற்போது முதல் இரண்டு விமானங்கள் தைவானுக்கு வந்துள்ளன. இவை Chihhang Air Base-இல் நிலைநிறுத்தப்பட்டு, கிழக்கு பிராந்திய பாதுகாப்பில் பயன்படுத்தப்படும்.

நடுவானில் ரஷ்ய அதிகாரிகள் சென்ற விமானத்தை இடைமறித்த பிரான்ஸ் ரஃபேல் விமானங்கள்

F-16 Viper அம்சங்கள்

F-16 Viper-கள், Northrop Grumman நிறுவனத்தின் AN/APG-83 AESA Radar-ஐ கொண்டுள்ளன. இது ஸ்டெல்த் விமானங்களை கண்டறியவும், குறிவைக்கவும் உதவுகிறது. மேலும், Sniper aiming pod, Link 16, GPS navigation, AIM-9X Sidewinder ஏவுகணைகள் போன்ற மேம்பட்ட ஆயுதங்களும் இணைக்கப்பட்டுள்ளன.

சீனாவின் J-20 ஸ்டெல்த் ஜெட்கள், ரேடாரில் எளிதில் கண்டறியப்படாமல் பறக்கும் திறன் கொண்டவை. ஆனால், தைவானின் F-16V-கள் Infrared Search and Track (IRST) தொழில்நுட்பத்துடன், வெப்ப சிக்னல்களை அடிப்படையாகக் கொண்டு J-20-ஐ கண்டறிய முடியும்.

இளவரசரான கார் விற்பனையாளர் - சட்டப்படி மகனாக அங்கீகரித்த பெல்ஜியம் இளவரசர்

தைவான் பாதுகாப்பு அமைச்சகம், “நமது வான்வழி பாதுகாப்பு அமைப்புகள் மற்றும் F-16V விமானங்கள் இணைந்து, சீனாவை எதிர்கொள்ள ‘முழுமையான வான் மேலாதிக்கத்தை’ வழங்கும்” என தெரிவித்துள்ளது.

J-20 விமானங்கள் F-35 போன்ற அமெரிக்க ஸ்டெல்த் ஜெட்களை எதிர்கொள்ள வடிவமைக்கப்பட்டவை. ஆனால், F-16V-களின் AESA Radar மற்றும் IRST தொழில்நுட்பம், J-20-ஐ பிடிக்க போதுமானதாக இருக்கும் என நிபுணர்கள் கூறுகின்றனர்.

இந்த புதிய விமானங்கள், தைவானின் பாதுகாப்பு திறனை அதிகரித்து, சீனாவின் சாத்தியமான தாக்குதலைத் தடுக்க முக்கிய பங்கு வகிக்கும் என எதிர்பார்க்கப்படுகிறது.

சவுதி-பாகிஸ்தான்-துருக்கி பாதுகாப்பு கூட்டணியில் சேர ஆர்வம் காட்டும் இந்தியாவின் அண்டை நாடு