உணவில் அதிகமாக மிளகு சேர்த்துக் கொண்டால் பக்க விளைவுகள் வருமா?

Health Info Health issues Too much pepper

By Balakumar Mar 01, 2021 04:39 PM GMT

Balakumar

in ஆரோக்கியம்

Report

அளவிற்கு மிஞ்சினால் அமிர்தமும் நஞ்சு என்ற பழமொழிக்கு ஏற்பட என்ன உணவாக இருந்தாலும் அளவோடு எடுத்து கொள்வதே சாலச்சிறந்தது.

அதில் கருப்பு மிளகு என்பது தென்னிந்திய உணவுகளில் அதிகமாக சேர்க்கப்படும் ஒரு காரசாரமான மசாலா பொருளாகும்.

கலோரிகள், தாதுக்கள், விட்டமின்கள், ஆரோக்கியமான கொழுப்பு, நார்ச்சத்து போன்றவைகள் இதில் அடங்கியுள்ளது.

இந்த கருப்பு மிளகு நிறைய மருத்துவ குணங்களை தன்னுள் கொண்டுள்ளது. இருப்பினும் இதனை அளவோடு எடுத்து கொள்வது நல்லது.

அந்தவகையில் தற்போது கருப்பு மிளகை அதிகமாக எடுத்து கொள்வதனால் ஏற்படும் பக்கவிளைவுகள் என்ன என்பதை பார்ப்போம்.

கருப்பு மிளகை அதிகமாக எடுத்துக் கொள்ளும் போது அது நுரையீரலுக்கு செல்ல வாய்ப்பு உள்ளது. இதனால் உங்களுக்கு மரணம் கூட ஏற்படலாம். இந்த பிரச்சினை குழந்தைகளுக்கு ஏற்படுகிறது.
கருப்பு மிளகை சருமத்தில் நேரடியாக பயன்படுத்தும் போது சரும பாதிப்பு உண்டாக வாய்ப்புள்ளது. சருமம் சிவந்து போதல் மற்றும் எரியும் உணர்வு போன்றவற்றை சந்திக்கின்றனர்.
அளவு அதிகமாகும் போது கருப்பு மிளகு கருச்சிதைவை உண்டாக்க வாய்ப்பு உள்ளது. மேலும், கருப்பு மிளகு சருமத்தில் நேரடியாகப் பயன்படுத்துவதை கர்ப்ப காலத்தில் தவிர்க்க வேண்டும். எனவே மிதமான அளவு எடுத்துக் கொள்ளுங்கள்.
கருப்பு மிளகை மாத்திரை வடிவத்தில் உட்கொள்வதால் ஏற்படக்கூடிய விளைவுகள் வயிற்று வலி அல்லது பிற இரைப்பை குடல் விளைவுகளை ஏற்படுத்தக்கூடும். எனவே இரைப்பை குடல் கோளாறுகளால் பாதிக்கப்பட்ட நோயாளிகள் கருப்பு மிளகு உட்கொள்வதை குறைக்க வேண்டும்.
அதிகளவு கருப்பு மிளகு எடுத்துக் கொள்ளும் போது அஜீரணம் மற்றும் நாசோபார்னீஜியல் அல்லது உணவுக்குழாய் புற்றுநோயை உண்டாக்க வாய்ப்பு உள்ளது.