ரூ.30 கோடி திருவோணம் பம்பர் லொட்டரியை வென்றதாக தமிழ்நாட்டைச் சேர்ந்த நபர் புகார்

Onam Tamil nadu Lottery Kerala

By Ragavan Oct 07, 2026 11:41 PM GMT

Ragavan

in இந்தியா

Report

Tamil Nadu man claims Rs 30 Crore lottery win: ரூ.30 கோடி திருவோணம் பம்பர் லொட்டரியை வென்றதாக தமிழ்நாட்டைச் சேர்ந்த நபர் புகார் அளித்துள்ளார்.

தமிழ்நாட்டைச் சேர்ந்த நபர் புகார்

கேரள மாநில அரசின் திருவோணம் பம்பர் லொட்டரி இந்த ஆண்டும் பெரும் பரிசுத் தொகையுடன் நடைபெற்றது. இதில் முதல் பரிசு ரூ.30 கோடி என அறிவிக்கப்பட்டது.

இந்த பரிசை தமிழ்நாட்டைச் சேர்ந்த சாதிக் (Sadiq) என்ற நபர் தான் வென்றதாகக் கூறி, பாலக்காடு மாவட்ட பொலிஸ் அதிகாரியிடம் புகார் அளித்துள்ளார்.

Tamil-Nadu-Man-Claims-Rs-30-Cr-Lottery-Win

சாதிக், பாலக்காடு ரயில் நிலையத்தில் லொட்டரி சீட்டை வாங்கியதாகவும், பின்னர் ஈரோடு மாவட்டம் சத்தியமங்கலம் பகுதியில் அந்த சீட்டை இழந்துவிட்டதாகவும் தெரிவித்துள்ளார்.

அவர் தனது மொபைல் போனில் சேமித்திருந்த சீட்டின் புகைப்படத்தை பொலிசாரிடம் சமர்ப்பித்துள்ளார். லொட்டரி எண் புகைப்படத்தில் சரிபார்த்தபோது, அது முதல் பரிசு வென்ற எண் என்பதைக் கண்டறிந்ததாக சாதிக் கூறியுள்ளார்.

ஆனால் அசல் சீட்டு இல்லாததால், அவரது உரிமை குறித்து சந்தேகம் எழுந்துள்ளது. சாதிக், முதலில் சத்தியமங்கலம் காவல்நிலையத்தில் புகார் அளிக்க முயன்றபோது, அது கேரள அரசின் லொட்டரி என்பதால், அங்கு புகார் அளிக்க முடியாது என கூறப்பட்டதாகவும், அதனால் கேரள அதிகாரிகளை அணுகியதாகவும் தெரிவித்துள்ளார்.

இதுகுறித்து லொட்டரி துறை அதிகாரிகள் புகைப்படத்தின் அடிப்படையில் உரிமை வழங்க முடியுமா என்ற கேள்வி எழுப்பியுள்ளனர்.

அசல் சீட்டு இல்லாமல் வெற்றியாளரை உறுதி செய்வது சாத்தியமா என்பது குறித்து பொலிசாரும், லொட்டரி துறையும் இணைந்து விசாரணை நடத்தி வருகின்றன.

அதிகாரிகள், முழுமையான சரிபார்ப்பு முடிந்த பிறகே உண்மையான வெற்றியாளர் அறிவிக்கப்படுவார் என தெரிவித்துள்ளனர். இதனால், ரூ.30 கோடி பரிசு யாருக்கு கிடைக்கும் என்ற ஆர்வம் இன்னும் நீடிக்கிறது.