லங்காசிறி FM
ஸ்காட்லாந்து நாடாளுமன்றத்தில் தமிழ் திருநங்கை எம்.பி - யார் இந்த கியூ மணிவண்ணன்?
ஸ்காட்லாந்தில் நாடாளுமன்றத்தில் முதல் திருநங்கையாக எம்.பியாக தமிழ்நாட்டை சேர்ந்த ஒருவர் பொறுப்பேற்றுள்ளார்.
ஸ்காட்லாந்தில் தமிழ் திருநங்கை எம்.பி
ஸ்காட்லாந்தில் குறுகிய கால மாணவர் விசாக்கள் உட்பட, செல்லுபடியாகும் எந்தவொரு விடுப்பு உரிமையையும் கொண்ட பிரித்தானியா அல்லாத குடிமக்கள் ஸ்காட்லாந்து நாடாளுமன்றத் தேர்தலில் போட்டியிட அனுமதி வழங்கும் சட்டம் கடந்த 2025 ஆம் ஆண்டு அறிமுகப்படுத்தப்பட்டது.
இதன் மூலம், அங்கு குடியுரிமை இல்லாமல் வசித்து வரும் தமிழ்நாட்டை பூர்விகமாக கொண்ட கியூ.மணிவண்ணன்(Q Manivannan) என்பவர் ஸ்காட்லாந்து நாடாளுமன்றத் தேர்தலில் போட்டியிட முடிந்தது.
கடந்த 7 ஆம் தேதி நடைபெற்ற ஸ்காட்லாந்து நாடாளுமன்றத் தேர்தலில், ஸ்காட்டிஷ் கிரீன்ஸ் கட்சி சார்பில் எடின்பர்க், லோதியன்ஸ் கிழக்கு தொகுதியில் போட்டியிட்டு எம்.பி ஆக தேர்வு செய்யப்பட்டுள்ளார்.
இதன் மூலம், ஸ்காட்லாந்து நாடாளுமன்றத்திற்கு தேர்வு செய்யப்பட்ட முதல் திருநங்கை என்ற பெருமையை கியூ.மணிவண்ணன் பெற்றுள்ளார்.
தன்னை ஒரு பாலினமற்றவராக அடையாளப்படுத்திக்கொள்ளும் கியூ மணிவண்ணன் 2021 ஆம் ஆண்டு முதல் ஸ்காட்லாந்தில் வசித்து வருகிறார்.
செயின்ட் ஆண்ட்ரூஸ் பல்கலைக்கழகத்தில் முனைவர் பட்ட மாணவராக உள்ள இவர், டப்ளினில் உள்ள டிரினிட்டி கல்லூரியில் சர்வதேச அமைதி ஆய்வுகளில் எம்ஃபில் பட்டம், டெல்லியில் உள்ள ஓ.பி. ஜிண்டால் குளோபல் பல்கலைக்கழகத்தில் கலை மற்றும் மானுடவியல் பயின்றுள்ளார்.
தேர்தல் முடிவுகளுக்கு பின்னர் பேசிய கியூ மணிவண்ணன், என் பெயர் டாக்டர் கியூ மணிவண்ணன், நான் ஒரு திருநங்கை தமிழ் குடியேறி. இந்த நாட்டில் உள்ள சிலருக்கு, வெறுப்பாளர்கள் வெறுக்கும் அனைத்தும் நான்தான்.
மேலும் உங்கள் மாநிலக் கட்சி உறுப்பினராக நான் இப்போது கவனத்துடன் இங்கு நிற்கிறேன். அக்கறையுள்ள அரசியல், பின்தங்கியவர்கள், வெளியேற்றப்பட்டவர்கள் அல்லது ஒருபோதும் உள்ளே அழைக்கப்படாதவர்கள் என அனைவருக்கும் சாத்தியமானவற்றை விரிவுபடுத்துகிறது." என தெரிவித்துள்ளார்.
Foreign nationals should not be permitted to stand for election, and a Restore Britain Government would ban it.
— Rupert Lowe MP (@RupertLowe10) May 10, 2026
Reform's Bangladeshi man lost in Portsmouth, but others succeeded.
An Indian was elected to the Scottish Parliament, even without a permanent visa to stay in the UK.…
குடியுரிமை இல்லாத வெளிநாட்டவர் நாடாளுமன்றத்திற்கு தேர்வு செய்யப்பட்ட கூடாது என அரசியல் கட்சியினர் சிலர் எதிர்ப்பு தெரிவித்து வருகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
புங்குடுதீவு 9ம் வட்டாரம், மடத்துவெளி புங்குடுதீவு, சுன்னாகம், கொழும்பு, Brampton, Canada
09 May, 2026
