லங்காசிறி FM
பதின்மவயதுப் பெண்ணால் பச்சிளங்குழந்தைக்கு நேர்ந்த பயங்கரம்
Teen ran newborn over with a car: பதின்மவயதுப் பெண்ணொருவர், பச்சிளங்குழந்தையை கார் ஏற்றிக் கொன்ற பயங்கரம் ஒன்று நிகழ்ந்துள்ளது.
சாலையோரம் குழந்தை ஒன்றைப் பெற்றெடுத்த 14 வயது சிறுமி ஒருத்தி, தன் குழந்தை மீது தானே காரை ஏற்றிக் கொலை செய்துள்ளார்.
பச்சிளங்குழந்தைக்கு நேர்ந்த பயங்கரம்
அமெரிக்காவின் கலிபோர்னியாவில் வாழும் டயானா (Diana Galvez Ortega, 14) என்னும் சிறுமி, சாலையோரமாக குழந்தை பெற்றுள்ளாள்.
பின்னர், குழந்தை மீது காரை ஏற்றிக் கொன்றுவிட்டு, தன் தந்தைக்கு குறுஞ்செய்தி ஒன்றை அனுப்பியுள்ளாள் டயானா.
அந்தச் செய்தியில், தான் குழந்தை பிறந்ததை தன் தாயிடமிருந்து மறைத்துவிட்டதாகவும், அவருக்குத் தெரிந்தால், தன்னைக் கொன்றுவிடுவார் என்றும் கூறியுள்ளாள் டயானா.
குழந்தையின் உடலைக் கண்டுபிடித்த பொலிசார், தன் வீட்டில் ஒளிந்திருந்த டயானாவைக் கண்டுபிடித்து மருத்துவமனையில் சேர்த்துள்ளனர்.
ஆனால், அவளது தந்தையான பெர்வேஸ் (Sergio Galvez Perez, 38) மகளை யாருக்கும் தெரியாமல் மருத்துவமனையிலிருந்து அழைத்துச் சென்றுவிட்டுள்ளார்.
டயானாவை அவர் மெக்சிகோ நாட்டுக்கு அழைத்துச் சென்றுவிட, FBI உதவியுடன் அவரைப் பிடித்துள்ளார்கள் பொலிசார்.
பயங்கர பின்னணி
விசாரணையில் அதிர்ச்சியளிக்கும் தகவல்கள் பல கிடைத்துள்ளன.
டயானாவின் தாயான ஒர்ட்டேகா (Ofelia Garcia Ortega, 36), மகளின் போலியான அடையாள அட்டையை பயன்படுத்தி அவளை கட்டாயப்படுத்தி வேலைக்கு அனுப்பியுள்ளதுடன், பள்ளிக்கும் அனுப்பாமல் வைத்துள்ளார்.
டயானாவின் தந்தையோ, பெற்ற மகளையே துஷ்பிரயோகம் செய்துள்ளார். அதன் விளைவாகவே அவள் கர்ப்பமடைந்துள்ளாள்.
டயானா அரசு காப்பகத்தில் சேர்க்கப்பட்டுள்ள நிலையில், அவளது தந்தையும் தாயும் கைது செய்யப்பட்டுள்ளனர்.
டயானா விடயத்தில் என்ன முடிவு எடுப்பது என்பது குறித்து அதிகாரிகள் ஆலோசனை மேற்கொண்டுவருகிறார்கள்.
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
