லங்காசிறி FM
புடினுக்கு நெருக்கமானவர்களைக் கொல்ல ஸ்லீப்பர் செல்கள் தயார்... புடினுக்கு இரு தரப்பிலிருந்தும் உருவாகியுள்ள ஆபத்து
புடின் ஆதரவாளர்கள் தொடர்ச்சியாக தாக்குதலுக்குள்ளாகும் மர்மத்தின் பின்னணி.
புடினுக்கு ரஷ்யா மற்றும் உக்ரைன் ஆகிய இரு தரப்பிலிருந்தும் ஆபத்து உருவாகியுள்ளதாக தகவல்.
கடந்த சில வாரங்களாக புடினுக்கு நெருக்கமான பலர் தாக்கப்பட்டும் கொல்லப்பட்டும் வருவதைக் குறித்த செய்திகள் வெளியானவண்ணம் உள்ளன.
சமீபத்தில் புடினுக்கு நெருக்கமானவரான Alexander Dugin என்பவரின் மகளான Darya Dugina என்ற இளம்பெண், கார் வெடிகுண்டு மூலம் கொல்லப்பட்டார்.
Credit: Odessa Journal
புடின் ஆதரவாளரான ஒருவர் தனது மகளைப் பள்ளியிலிருந்து அழைத்துவரச் செல்லும்போது கார் வெடிகுண்டு மூலம் கொல்லப்பட்டுள்ளார்.
கெர்சன் பகுதியில் புடின் ஆதரவாளரான Vitaly Gura என்பவர் அவரது அலுவலகத்தில் வைத்தே சுட்டுக்கொல்லப்பட்டார்.
Dmitry Savluchenko என்னும் அலுவலர் ஒருவர் வெடிகுண்டு மூலம் கொல்லப்பட்டுள்ளார்.
உக்ரைன் தரப்பில் பணியாற்றி பின் ரஷ்ய தரப்பில் இணைந்த Askyar Laishev என்பவரும் கார் வெடிகுண்டு மூலம் கொல்லப்பட்டார்.
ரஷ்ய ஆதரவாளரான Valery Kuleshov என்பவர் கொல்லப்பட்டுள்ளார்.
புடினுடைய படைகளை உக்ரைனுக்கு வரவேற்ற மேயரான Vlodymyr Struk என்பவர் கடத்தப்பட்டு மார்பில் சுடப்பட்டுக் கொல்லப்பட்டுள்ளார்.
ஆக, புடினுக்கு நெருக்கமானவர்களும், ஆதரவாளர்களும், உக்ரைன் தரப்பிலிருந்து புடினுக்கு ஆதரவு தெரிவிப்பவர்களும் தொடர்ந்து கொல்லப்பட்டு வருகிரார்கள். சிலர் தாக்குதலில் தப்பியிருக்கிறார்கள், சிலர் விஷம் வைக்கப்பட்டு, கொலை முயற்சியில் தப்பியிருக்கிறார்கள்.
இந்நிலையில், அடுத்த குறி புடினுக்குத்தான் என்கிறார் முன்னாள் நேட்டோ தலைவரான Gary Tabach.
ஒரு பக்கம், உக்ரைன் படையெடுப்பை சொதப்பியதால் புடினுக்கு நெருக்கமானவர்களே அவரது தலைக்கு விலை வைத்திருக்கிறார்களாம். மறுபக்கம், உக்ரைன் தரப்பில் புடினைக் கொல்ல முயன்று வருகிறது ஒரு கூட்டம். ஆக, இரண்டு பக்கமிருந்தும் புடினுக்கு ஆபத்து நெருங்குகிறது.
Credit: AFP
இதற்கிடையில், புடினுக்கு நெருக்கமானவர்களைக் கொல்ல ஸ்லீப்பர் செல்கள் தயாராக உள்ளனராம். அவர்களில் ஒவ்வொருவருக்கும் ஒவ்வொரு இலக்கு நிர்ணயிக்கப்பட்டுள்ளதாம். சிலரது வேலை, எதிரியைக் குறித்து தகவல் சேகரித்தல், சிலருக்கோ, அவர்களுடைய நடமாட்டத்தைக் கண்காணித்தல், சிலருடைய வேலை எதிரியைக் கொல்வது.
இந்த ஸ்லீப்பர் செல்களுக்கு தங்கள் சக உறுப்பினர்களைத் தெரியாது. ஆகவே, ரஷ்ய அதிகாரிகளிடம் அவர்களில் யாராவது சிக்கினால் கூட, அவர்களை சித்திரவதை செய்தால் கூட, அவர்களிடமிருந்து ரஷ்யர்களால் எந்த தகவலையும் பெற முடியாது.
ரஷ்யா நிலையான ஒரு நிர்வாகத்தை உருவாக்க பெரும் சவால்களை எதிர்கொண்டாகவேண்டும் என்று கூறும் ரஷ்யா குறித்த ஆய்வுகளை மேற்கொள்ளும் நிபுணரான Michael Kofman, காரணம், புடினுடைய கூட்டாளிகள் ஒன்றில் கொல்லப்படப்போகிறார்கள், அல்லது கொல்லப்படுவோம் என்ற பயத்திலேயே இருக்கப்போகிறார்கள் என்கிறார்.
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
தொண்டைமானாறு, காங்கேசன்துறை, London, United Kingdom
23 Nov, 2024
புங்குடுதீவு 12ம் வட்டாரம், புங்குடுதீவு, பேர்ண், Switzerland
12 Nov, 2025
நெடுந்தீவு, ஆனைக்கோட்டை, மானிப்பாய், London, United Kingdom
04 Dec, 2025
கொக்குவில் கிழக்கு, கொக்குவில், திருகோணமலை, கொழும்பு, Croydon, United Kingdom
08 Dec, 2025
புங்குடுதீவு 8ம் வட்டாரம், முள்ளியவளை
11 Dec, 2021
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
