இந்த இரு நாடுகளின் உதவியால் அணு ஆயுதங்களை உருவாக்கிய இஸ்ரேல்... பேசப்படாத பின்னணி

இஸ்ரேல் சமீபத்தில் ஈரானின் அணுசக்தி நிலையங்கள் மீதும், அந்த நாட்டின் உள்கட்டமைப்பு மற்றும் பொதுமக்கள் இலக்குகளையும் குண்டுவீசி தாக்கியது, இஸ்லாமிய குடியரசு அணு ஆயுதங்களை உருவாக்க அனுமதிக்க முடியாது என்றும் அறிவித்தது.

லட்சியத்தை யதார்த்தமாக மாற்ற

ஆனால் அந்த நாடுதான் பல தசாப்தங்களுக்கு முன்பே அணு ஆயுதங்களைத் தயாரித்தது, அதுவும் ரகசியமாக. மனிதகுலம் கற்பனை செய்ய முடியாத மிகவும் அழிவுகரமான ஆயுதங்களை உருவாக்க ஒரு ஐரோப்பிய மற்றும் ஒரு ஆப்பிரிக்க நாடு இஸ்ரேலுக்கு உதவியது.

1955 ஆம் ஆண்டு, இஸ்ரேலிய பிரதமர் டேவிட் பென்-குரியனை சர்வதேச அணிசேரா இயக்க சமூகத்தில் சேர அனுமதிக்காமல் இந்தியாவின் முதல் பிரதமர் ஜவஹர்லால் நேரு திகைக்க வைத்தார்.

இஸ்ரேல் அந்த மாநாட்டில் கலந்து கொண்டால், மாநாட்டில் கலந்து கொள்ள மாட்டோம் என்று எகிப்து, பிற அரபு நாடுகள் மற்றும் பாகிஸ்தான் ஆகிய நாடுகளிலிருந்து நேருவுக்கு அழுத்தம் கொடுக்கப்பட்டது.

அயத்துல்லா காமெனியை படுகொலை செய்யவே தாக்குதல்: உண்மையை உடைத்த இஸ்ரேல்

மட்டுமின்றி, ஹோலோகாஸ்ட்டால் வேட்டையாடப்பட்ட இஸ்ரேல், 1952 இல் இஸ்ரேல் அணுசக்தி ஆணையத்தை (IAEC) நிறுவி, எர்ன்ஸ்ட் டேவிட் பெர்க்மான் என்பவரை அதன் தலைவராக நியமித்தது.

அணு ஆயுதங்கள் இருப்பதால் இனி ஒருபோதும் ஆட்டுக்குட்டிகளைப் போல யூதர்கள் படுகொலைக்கு தள்ளப்பட மாட்டார்கள் என்பதை உறுதி செய்ய முடியும் என்று குடிப்பிட்டு, அணுசக்தி திட்டத்தை பெர்க்மான் நியாயப்படுத்தினார்.

மட்டுமின்றி, உலகம் முழுவதிலுமிருந்து யூத அணு விஞ்ஞானிகளை IAEC இந்த திட்டத்தில் இணைத்துக் கொண்டது. இந்த நிலையில், 1956 சூயஸ் நெருக்கடியின் போது எகிப்தைத் தாக்கியதில் இஸ்ரேலின் பங்கிற்கு நன்றி தெரிவித்த பிரான்ஸ், இஸ்ரேலின் லட்சியத்தை யதார்த்தமாக மாற்ற தொழில்நுட்ப உதவியை வழங்கியது.

10 டன் மஞ்சள் கேக் யுரேனியம்

பிரான்ஸ் பொருட்கள் மற்றும் உபகரணங்களை வழங்கியது மட்டுமல்லாமல், அதன் பொறியாளர்கள் நெகேவ் பாலைவனத்தில் உள்ள டிமோனாவில் அணுசக்தி நிலையத்தை வடிவமைத்து நிர்மாணிப்பதில் இஸ்ரேலுடன் இணைந்தனர்.

யுரேனியம் வைத்திருந்த தென்னாப்பிரிக்கா தேவையான தொழில்நுட்ப நிபுணத்துவம் இல்லை என்பதால் இஸ்ரேலின் அணுசக்தி திட்டத்தில் இணைந்தது. 1962 இல் இஸ்ரேலுக்கு 10 டன் மஞ்சள் கேக் யுரேனியத்தை தென்னாப்பிரிக்கா அனுப்பியது.

செப்டம்பர் 22, 1979ல் தென்னாப்பிரிக்காவிற்கு அருகிலுள்ள தெற்கு அட்லாண்டிக் பெருங்கடலில் ஒரு மர்மமான இரட்டை மின்னலை அமெரிக்காவின் வேலா 6911 என்ற செயற்கைக்கோள் கண்டறிந்தது. மட்டுமின்றி, அது அணு குண்டு சோதனை என்பதும் உறுதி செய்யப்பட்டது.

சமீபத்தில் வெளியான தரவுகளின் அடிப்படையில், இஸ்ரேலிடம் 90 அணு ஆயுதங்கள் உள்ளன. அத்துடன், இந்த 90 அணு ஆயுதங்களும் இராணுவத்தின் பயன்பாட்டிற்கு தயார் நிலையிலும் உள்ளதாக கூறப்படுகிறது.

ஆனால் இதே நாடு, மத்திய கிழக்கில் அச்சுறுத்தல் ஏற்படும் என அமெரிக்கா, பிரான்ஸ் உட்பட பல வல்லரசு நாடுகளை நம்ப வைத்து, ஈரானை அணு ஆயுதங்கள் தயாரிக்க விடாமல் முடக்கி வருகிறது.