34 வயதிலேயே ஓய்வை அறிவித்த ஜேர்மனியின் மிரட்டல் வீரர்! சோகத்தில் ரசிகர்கள்
ஜேர்மனி கால்பந்து அணியின் நட்சத்திர வீரர் தாமஸ் முல்லர் சர்வதேச போட்டிகளில் இருந்து ஓய்வு பெறுவதாக அறிவித்தார்.
தாமஸ் முல்லர்
நடப்பு யூரோ 2024 தொடரில் ஜேர்மனி அணி 1-2 என்ற கோல் கணக்கில் ஸ்பெயின் அணியிடம் காலியிறுதியில் தோல்வியுற்றது.
அதனைத் தொடர்ந்து ஜேர்மனி அணியின் மூத்த வீரர் டோனி குரூஸ் (Tony Kroos) ஓய்வை அறிவித்தார்.
இந்த நிலையில், ஜேர்மனியின் மற்றொரு நட்சத்திர வீரரான தாமஸ் முல்லரும் (Thomas Muller) சர்வதேச போட்டிகளில் இருந்து ஓய்வு பெறுவதாக அறிவித்துள்ளார்.
5 கோல்கள்
2010யில் அர்ஜென்டினா அணிக்கு எதிராக அறிமுகமான முல்லர், அதே ஆண்டு நடந்த உலகக்கிண்ணத் தொடரில் 5 கோல்கள் அடித்து மிரட்டினார்.
![யூரோ கிண்ணம்: பரபரப்பான ஆட்டத்தில் கடைசி நிமிடத்தில் கோல்..நெதர்லாந்தை வீழ்த்தி இறுதிப்போட்டிக்கு முன்னேறிய இங்கிலாந்து](https://cdn.ibcstack.com/article/382560ce-1cfc-4438-b9cb-107c9246ac39/24-668f092263e15-sm.webp)
யூரோ கிண்ணம்: பரபரப்பான ஆட்டத்தில் கடைசி நிமிடத்தில் கோல்..நெதர்லாந்தை வீழ்த்தி இறுதிப்போட்டிக்கு முன்னேறிய இங்கிலாந்து
அதேபோல் 2014ஆம் ஆண்டு ஜேர்மனி அணி உலகக்கிண்ணத்தை வெல்ல காரணமாக அமைந்த முல்லர், அந்த தொடரிலும் 5 கோல்கள் அடித்திருந்தார்.
ஜேர்மனி அணிக்காக 131 சர்வதேச போட்டிகளில் விளையாடியுள்ள முல்லர் 45 கோல்கள் அடித்துள்ளார். 34 வயதாகும் தாமஸ் முல்லர் ஓய்வை அறிவித்துள்ளது ரசிகர்களுக்கு அதிர்ச்சியை அளித்துள்ளது.
மேலும் கிரிக்கெட் உள்ளிட்ட விளையாட்டு செய்திகளை பார்வையிட நமது WHATSAPP குழுவில் இணையுங்கள் JOIN NOW |
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |