திருப்பதி திருமலையில் பட்டு சால்வை மோசடி - ரூ.54 கோடி மதிப்பிலான ஊழல் வெளிச்சம்

திருப்பதி திருமலையில் ரூ.54 கோடி மதிப்பிலான பட்டு சால்வை மோசடி வெளிச்சத்திற்கு வந்துள்ளது.

ஆந்திர பிரதேசத்தில் உள்ள புகழ்பெற்ற திருமலை திருப்பதி தேவஸ்தானத்தில் (TTD), கடந்த பத்து ஆண்டுகளாக விஐபி பக்தர்களுக்கு வழங்கப்பட்ட பட்டு சால்வைகள் உண்மையில் பட்டு அல்ல, மலிவான பாலிஸ்டர் துணி என தெரியவந்துள்ளது.

கர்நாடக வனப்பகுதிகளில் கண்டுபிடிக்கப்பட்ட தங்கம், லித்தியம் - சுரங்க அனுமதியில் சிக்கல்

2015 முதல் 2025 வரை, ஆயிரக்கணக்கான சால்வைகள் “தூய்மையான மல்பெரி பட்டு” எனக் கூறி வழங்கப்பட்டன.

ஆனால், சமீபத்திய ஆய்வக பரிசோதனையில், அவை 100 சதவீதம் பாலிஸ்டர் துணி என உறுதி செய்யப்பட்டது.

பெங்களூரு மற்றும் தர்மாபுரம் மத்திய பட்டு வாரிய ஆய்வகங்கள் இதனை உறுதிப்படுத்தியுள்ளன.

ஒப்பந்தப்படி, இந்த சால்வைகள் தூய்மையான மல்பெரி பட்டால் நெய்யப்பட்டிருக்க வேண்டும். அதில் “ஓம் நமோ வெங்கடேசா” என்ற வாசகம், சங்கு, சக்கரம், நாமம் போன்ற கோயில் சின்னங்கள் அச்சிடப்பட்டிருக்க வேண்டும்.

மேலும், எடை மற்றும் அளவு குறித்த விவரங்களும் ஒப்பந்தத்தில் குறிப்பிடப்பட்டிருந்தன. ஆனால், கிடங்கில் சேமிக்கப்பட்டிருந்த சால்வைகள் எந்த தரத்தையும் பூர்த்தி செய்யவில்லை.

இந்த மோசடியில் VRS Exports என்ற நிறுவனம் சம்பந்தப்பட்டதாக கூறப்படுகிறது. சுமார் 55 கோடி ரூபாய் வரை தேவஸ்தானத்தை ஏமாற்றியதாக குற்றச்சாட்டு உள்ளது.

ஒவ்வொரு சால்வைக்கும் திருப்பதி திருமலை தேவஸ்தானம் ரூ.1,389 செலுத்தியதாக தகவல் வெளியாகியுள்ளது.

லஞ்சம் பெற்ற முன்னாள் வங்கி அதிகாரிக்கு மரண தண்டனை நிறைவேற்றிய சீனா

TTD தலைவர் பி.ஆர். நாயுடு, ஒப்பந்தங்களை மீண்டும் ஆய்வு செய்ய உத்தரவிட்டுள்ளார். மேலும், இந்த மோசடி தொடர்பாக ஆந்திரப் பிரதேச ஊழல் தடுப்பு அமைப்பு விசாரணை நடத்த வேண்டும் என கோயில் நிர்வாகம் கோரியுள்ளது.

பக்தர்களின் நம்பிக்கையை பாதிக்கும் இந்தச் சம்பவம், திருமலை தேவஸ்தான நிர்வாகத்தில் கடுமையான சீர்திருத்தங்கள் அவசியம் என்பதை வலியுறுத்துகிறது.

தங்கம் ஏற்றுமதிக்கு புதிய வரியை அமுல்படுத்தும் ஆசிய நாடு

Tirumala temple silk dupatta scam, Rs 54 crore temple fraud India, Fake ghee donation box theft Tirumala, TTD corruption scandal 2025, Tirupati temple scam news, Andhra Pradesh temple fraud case, Devotees duped Tirumala silk scam, Tirumala temple administration probe, Religious trust fraud India, Tirumala temple latest controversy