லங்காசிறி FM
பிரபல நடிகர் மகள் ஹொட்டல் அறையில் சடலமாக மீட்கப்பட்ட விவகாரம்: சமீபத்திய தகவல்
புத்தாண்டு தினத்தன்று, பிரபல ஹாலிவுட் நடிகர் ஒருவருடைய மகள் ஹொட்டல் அறை ஒன்றில் சடலமாகக் கண்டெடுக்கப்பட்ட வழக்கில், அவரது மரணத்துக்கான காரணம் வெளியாகியுள்ளது.
பிரபல நடிகர் மகள்
Men in Black வரிசை திரைப்படங்களில் நடித்து புகழ் பெற்றவர், ஆஸ்கர் விருது வென்றவரான நடிகர் டாமி லீ ஜோன்ஸ் (Tommy Lee Jones). டாமியின் மகள், விக்டோரியா ஜோன்ஸ் (34).
புத்தாண்டு தினத்தன்று, அதிகாலை 2.52 மணியளவில் சான் ஃப்ரான்சிஸ்கோவிலுள்ள ஹொட்டல் அறை ஒன்றிற்கு அவசர உதவிக்குழுவினர் அழைக்கப்பட்டுள்ளனர்.
அங்கு விக்டோரியா சுயநினைவிழந்து கிடந்த நிலையில், அவரைக் காப்பாற்ற எடுத்த முயற்சிகள் பலனளிக்கவில்லை. மருத்துவர்கள் அவர் உயிரிழந்துவிட்டதாக தெரிவித்தனர்.
உயிரிழப்புக்கான காரணம் வெளியானது
இந்நிலையில், விக்டோரியா போதைப்பொருள் ஒன்றை அளவுக்கதிகமாக எடுத்துக்கொண்டதால் உயிரிழந்துள்ளதாக தகவல் வெளியாகியுள்ளது.
சான் ஃப்ரான்சிஸ்கோவின் மூத்த மருத்துவ அதிகாரி, விக்டோரியா போதைப்பொருள் ஒன்றின் பாதிப்பால் உயிரிழந்துள்ளதாக தெரிவித்துள்ளார்.
விடயம் என்னவென்றால், ஏற்கனவே விக்டோரியா போதைப்பொருள் ஒன்றை வைத்திருந்ததற்காக ஒரு முறையும், பயன்படுத்தியதற்காக ஒரு முறையும் என 2025இல் இரண்டு முறை கைது செய்யப்பட்டது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
